أعلن الدكتور عمرو خالد، الداعية الإسلامي، يوم أمس السبت، تأسيس «حزب مصر»، مؤكدًا أنه «أول حزب تنموي مصري يسعى لتحقيق التنمية والتقدم عبر شبكة من المشروعات والمؤسسات والأنشطة التنموية والخدمية المنتشرة في جميع محافظات مصر».وقال «خالد»، خلال مؤتمر صحفي للإعلان عن الحزب، في حضور عدد كبير من الشخصيات العامة والسياسية، إن «رؤية الحزب تكمن في أن مصر دولة رائدة عربية الانتماء، إسلامية الثقافة، مدنية التوجه، والحرية والعدل هما قيمها الأساسية، والديمقراطية والعلم هما منهجها نحو تحقيق النهضة». وقد أثار اعلان الدكتور عمرو خالد للحزب ردود فعل واسعة ومتضاربة في موقع التواصل الاجتماعي تويتر:
@shereen2512011 بمناسبه تاسيس عمروخالد لحزب مصر،هوكان اول واحد شرحلنايعني ايه مشروع نهضه وطن،مبروك ع الحزب لانك دايماسباق
- حزب مصر شوية ناس مالهمش غير فى العمل الخيرى و قليل من السياسة و شوية فلول على نضيف شوية و قليل من المستفدين من النظام السابق
@__Hamza23__ حزب عمرو خالد ماهو الا محاوله لجذب شريحه كانت يمكن ان تعطى صوتها للتيار الاسلامى على مضض ،وهذا الحزب يعتبر لها براءة ذمه فقط
@tarekelnahhas ..حزب سياسي..من امتى بتلعب سياسة يا دكتور؟ وهل كان في مشوارك ما يدلل على ذلك ..من حقك طبعا بس لازم توضح
@freemaisoon مسمعنلوش صوت طول الثورة وفجاه بيعمل حزب وسياسه,الله عليك يا شيخ شغل تقيل ومتكتكله من سنيين مهيص لعيبة الكورة ورجال الاعمال
@arwa_talaat باختصار كده..اللي عايز يعمل حزب يعمل..واللي عايز ينضم له ومقتنع يروح...كل واحد حر...اذا في ناس معتبره عمرو خالد فلول ومتسلق.بلاش ينضموا له
@daliahassouna حد يفكرني بمواقف عمرو خالد أيام الثوره وأيام ضباط 8 أبريل ومحمد محمود ومجلس الوزراء .. فعلا مش فاكراله حاجه خالص .. و لا هو جاي ع البوفيه ؟!
@sherifso نصر كبير للاسلام دخول الدكتور عمرو خالد الحياة السياسية الف مبرك لنا جميعيا .
@mhmoudelsayed وداعا عمرو خالد الرجل الدعوي مرحبا عمر خالد الرجل السياسي "قصدي التنموي
@salamah مبسوط من حزب عمرو خالد. جدا. بكره الشتيمة تنزل عليه.. بس افتكرو إن ضيوف التأسيس كانو حمدين وعمرو موسى وأخرين. بكره يتخانقو على المصلحة
@Omar_M_Ibrahim هل عمرو خالد بيفهم في السياسة؟ لأ. طب بيفهم في الدين؟ آه. طيب مش فارقة.
@Gemyhood الناس فعلا اللي شغالة مع "عمرو خالد" مش ملاحظين يعني انه من اول الشغل وهو متحالف عادي مع رجال اعمال نظام مبارك .. عادي جدا ؟؟!!!
@eslam_halimo اننى لا ارى داعى من قيام عمرو خالد بانشاء حزب سياسى فدوره فى الدعوة والاصلاح أسمى وأعلى من ذلك
@Naderib1 عمرو خالد اسس حزب فعلاً؟ شعبيته في الشارع هتبقى اكبر من شعبية البرادعي.
@ahmedz_fawaz و يعنى عمرو خالد ضاقت بيه الدنيا بما رحبت يدخل علينا بحزب جديد يضاف لقايمة الاحزاب المبهمة اللى موجودة
@tantawit حتى عمرو خالد عينه على السلطة ورايح يعمل حزب .. ايه الحكاية ؟ سلطة سلطة .. مفيش دعوة خلاص ؟
@MohamedGhazyABO عمرو خالد بيقولك ده حزب تنموي يعني المفروض كل مواطن يشترك في حزبين واحد تنموي والتاني سياسي ولسه
@BaherBadr25 عمرو خالد ....... الباب الخلفي لعودة أمن الدولة إلي الحياة السياسية.
@msalah72 ما فعله عمرو خالد، بسحب افراد صناع الحياة على حزبه، استغلال فاضح لأعمال الخير والدعوة .
@TUTTimour إن حصل عمرو خالد علي أصوات تؤهله لدخول الحياه السياسية دون الإعتماد علي صناع الحياه..سأرفع له القبعه..
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
