أنشأ عدد من المغردين السعوديين هاشتاغ ساخر عن ماذا لو كان موقع التواصل الاجتماعي تويتر سعودياً؟ وقد كتب العديد من المغردين السعوديين تعليقات فكاهية وساخرة عن هذا الموضوع وحمل الهاشتاغ اسم #لو_تويتر_اختراع_سعودي ومن أبرز التعليقات الساخرة التي كتبت فيه:
@Ado0o0o جمس هيئة عند كل ١٠ حسابات
@faisal1903 كان تغير اسمه إلى خدمة الزاجل او خدمة البرق او خدمة التراسل النصي او اي اسم بيروقراطي
@ArtArwa كان عشان تسجل بتويتر تحتاج ملف علاقي اخضر واوراق وش كثره على قل سنع ... ولا بعد برسوم
@Ahmad_Al_Hrbi كان ما تسجل فيه الا بثلاث شهود وثلاث مزكين وشهادة حسن سيرة وسلوك
@AkramAjmi كان على الطير سيفين و نخله و يطلع لك سلمان العيسي بشنبه و يقول بحول الله تم افتتاح موقع الطير سداح
@ASFadak قبل ما ترسل اي رد او تتويته لازم يكون في موافقه ولي امر
@Hilali_Madridi كان وانت تتجول في التويتر كل شوي يطلع لك فلاش من اللابتوب او الجوال ، ( ساهر ) ههههههههههههههه
@Mr_Mohannad1 كان تلقون بعض الناس لهم ٥٠٠ حرف بدال الـ ١٤٠ وتسأله من وين؟؟ يقولك اعرف واحد يشتغل في تويتر!!
@ABU7WAT مايفتح الا ١٠ الصباح ويقفل ١ بالليل
@sulaimanalassaf كان يصير ممللللللللللل وكله نفاق وكذب لان الناس بتتبع سياسة من خاف سلم
@HamadAlMousa كان تعين الدولة مسئول عنه برتبة معالي وتعطيه خمسة ملايين تحسين وضع وطبعا بيكون هالمسئول من التواجر
@mis1919 كان اذا ماراحت التغريده ردو عليك وقالو راجع الاداره عقب اسبوع
@ComTroooy مخترع تويتر :نجاح موقع تويتر جاء بتوفيق من الله ثم بتوجيهات ولاة الامر حفظهم الله والقيادة الرشيدة
@kholoudAD كان لازم موافقة ولي امر البنت مع كل تويته تكتبها او اللي ولي امرها موب فاضي يسوي لها ورقة صفرا
@KarimAbdelrady مكنش هيبقي فيه دي ام عشان الخلوة الغير شرعية. .
@Almor3eb كان البايو فيه أسئلة إجبارية: تدرس؟ تشتغل؟ ليش ما تشتغل؟ كم راتبك؟ ليش راتبك ماهوب اكثر؟ .... ليش ليش ليش ليش ليش
@h_sindi كان مو أي هاشتاق يقدر الواحد يدخله بعضها مشبكة وبعضها عوايل
- كان مشروع انشاء الموقع الى الان ماخلص
- كان تلقاه قسمين: ١- قسم خاص بالعائلات( ممنوع دخول الشباب ) ٢- قسم خاص بالعزاب
- أسبوعياً نقرأ هالشئ : نعتذر عن الخلل الفني سيتم إيقاف الموقع لمدة يومين .. المدير العام لتويتر : طوني بطرس
