في موقع التواصل الاجتماعي تويتر قام عدد من المغردين السعوديين بشرح أسباب منع السينما في السعودية حسب وجهة نظرهم بطريقة لم تخلو من الفكاهة وقد سجلوا هذه التعليقات تحت هاشتاغ #منعت_السينما_في_السعودية_بسبب ومن اهم التعليقات التي كتبت فيه:
منعت السينما في السعودية بسبب محتواها السيء ، ولا تصدق كذبة (السينما النظيفة) فأول من ينفيها هم صناع الأفلام وارجع لكلام خالد يوسف.
لانو ثلاث ارباعهم بيروح علشان يكتب سينما تايم خخ
@gomnory آلحين تبون سينمآ ولو حطوآ سينمآ قلتوآ كيف سينمآ بدولة آلحرمين .. آللي يبي سينمآ يروح آلبحرين
@mAJEdOd لأنه يجوز ان تشاهد الفيلم في بيتك وانت في خلوه مع نفسك! ويحرم مشاهدتها بمكان عام! الاولى أولى بالتحريم ،،
@SaraMahmood20 يخافوا من قلة الادب الي تحصل في الظلام ! مساكين مايدروا انو محد سار يسوي شي ف الظلام !
@ibra98888 واحد غبي يشوف الفيلم ويقعد يكلم اللي حولاه و يسبق الاحداث شوف شوف كيف يضربه شوف وش بيسوي،يقتل إلاثارة اللئيم
@salehaldakhel الفلم بيخلص والعوائل تغيّر في الكراسي .! "ممكن لو سمحت تروح هناك ، ممكن تغير مكانك وتجي مكاني
@sultan8gerrard انه اذا خلص الفلم وفضت الصاله بتشوف مكتوب على الشاشه حسونه بعيوني والناس ما يهموني وحمضيات طايحه جنبه
@LastCluster لأن مافيه فيلم أجنبي بيعرض كامل ،، ثلاث أرباعه بيروح تقطيع عشان كذا ليش الخساير على فيلم مابقى إلا ربعه !!
@dr_nosa نفس الأسباب اللتي منعتنا من ان نكون دوله متقدمه دوله ديمقراطيه ليكون الشعب بأكمله سويكت بن راضي !!
@M_A_O ان من كثر التقطيع بيصير الفلم عباره عن : موسيقة بدايه بعدين ٤٠ ثانيه بعدين موسيقة النهايه ..!
@meroooo1989 الضلمه كيف تتجرأ تاخذ زوجتك وتروحون تشوفون فيلم في الظلمه ياعيباه بس ايش يقولون الناس هاه << تفكير سعودي بحت
@RandAlmojil ان السعوديين بيجيبون الحموله كلها ومعها البيبي وعربيته ومافيه مشكله وهاتها صياح ونيآح ومشاهده ممتعه
@raaazaan البنات كل وحده بتقعد بكرسي وتحط شنطته بالكرسي الي جنبه وتقول محجوز .. تقل سينما ابوهم
@Sulaiman_alk أن كل فكرة جديدة تمر بثلاث مراحل تعدينا الأولى وهي السخرية ومازلنا بالثانية اللي هي مقاومتها وباقي القبول بها
@toto10e0 السعودي بكرسي الحلاق والنور شغّال ينامون عليه اجل بالسينما والنور طافي وش بيسوي؟ اتوقع بيدخل غيبوبه
@noa7tekak ان بعض المشايخ حرموه انا اشوف انه مثل عروض المسرحيات الي تصير يعني اكيد راح يصير قسم نساء وقسم اخر للرجال
@Shr0uq الارتباط المتين مابين حجم الشاشة و مابين تبرير المنع حيث لايجوز مشاهدة الفيلم في شاشة كبيرة "ورايقة
@naho0ol4 بعضهم بيتحمس وبيقوم يكتب ذكريات على شاشة العرض
@RAL3jmi1 هذولاك اللي بيوقفون بوسط السينما قدام الفيلم يصووورون نفسهم ويصورون الفيلم عشان يكتبون:ان سينما وكذا يعني
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
