انشغلت وسائل الاعلام المرئية ومواقع الانترنت بتغطية خبر الحالة الصحية للرئيس المخلوع حسني مبارك، وبقي خبر موت أو عدم موت مبارك هو الشغل الشاغل للجميع وخصوصاً نشطاء ورواد الانترنت ومواقع التواصل الاجتماعي. وفي موقع التواصل الاجتماعي التويتر أخذ خبر "مبارك مات ... مبارك لم يمت" منحنى فكاهيًا، ومن أبرز التعليقات التي جاءت على هذا الموضوع:
HasanNoaman@ مبارك ميت بنسبة 52% لـ 48% حسب نتيجة الانتخابات.
@lamyamohammad حسني مبارك توفي على العاشرة الاسرائيلية - و في غيبوبة على الجزيرة - و حالته مستقرة على التلفزيون المصري حتى موتتك مقلب
@HabiibaM مبارك يعاني حالة نفسية سيئة بعد سماع خبر وفاته.
@Marwan_Elkahky مش بعيد بعد ما مبارك مات و فاق تانى يقولوا عليه ولى من أولياء الله الصالحين بركاتك يا شيخة ماجدة موباريك صحى م الموت ، مدد يا مبارك مدد
@Ehab_ets قلب مبارك يتوقف للمرة الثالثة ويعود بالكهرباء.. دي لو لمبة كانت اتحرقت
@Mmaxod الشعب كله فرحان اللي عاوز مرسي فرحان واللي عاوز شفيق فرحان واللي بيكره مبارك فرحان انه مات والي بيحبه فرحان انه لسه عايش. ويجعله عامر
@hazemfareed مبارك مات اكتر من احمد حلمي في فيلم الف مبروك.
@SmileyFarouk ان والله ما عدت عارف ان كان مبارك اللى فى غيبوبة والا احنا اللى فى غيبوبة...؟!
@mina_hosny يعنى من الاخر مبارك مات ولا جاب كوين وعملت ريستارت و رجع الدنيا تانى
@ZaidAtalla مبارك بيغني للشعب .. انا عايش ومش عايش ومش قادؤ على بعدك
@mimow67 لن أكتب مره أخرى عن خبر وفاة مبارك لان كل مره بيعمل ميت شغال بخطة رووميل أعمل ميت وأروح المعادى والافطار هناك أنتركونتنتال
@fildonia وفاة حسنى مبارك لمرات عديده يؤثر سلباً على صحته فى المستقبل
@nawaranegm مبارك راح زار العالم الاخر، واكتسب مهارات من الارواح، وراجع لنا الدنيا بيضرب بلانصات في الهوا وحيبهدلنا سمعت ان اكلينيكيا متجبس في احمد ماهر
@Hossr10 من مصادر موثوق فيها حسنى مبارك جاب للجلطه جلطه فى المخ !!!
@alaasaleh8 هو مبارك مات ولا لأه هى الثورة نجحت ولا لأه هومرسى رئبس ولا لأه حد فاهم حاجة
@xLanoS أنباء عن تدهور حالة الصحفيين الي قعدوا طول الليل يتابعوا حالة مبارك
@beco71 صرح مصدر مسئول ان مبارك استنفذ مرات الوفاة المسموح بها .. واضاف المصدر انهم بصدد استيراد مرات جديده ومستحدثه لإكمال اللعبة
@Dr_Elmahdiدا شفيق طلع زى مبارك صاحبه . واحد قتل واتقتل والتانى كل يوم يموت ولسة عايش !
@Alya2_Gh مصادر تؤكد وفاة مبارك ، مصادر تؤكد عدم وفاة مبارك أي الله يلعن مبارك ع المجلس العسكري ع اللي بيطلعو الشائعات
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
