قام عدد من المغردين المصريين بإنشاء هاشتاغ #نصايح_لأولي_جامعة ليقدموا من خلاله ومع بدء السنة الدراسية نصائح لطلاب السنة الأولى في الجامعة وكعادة المصريين اتسمت اغلب التعليقات بالفكاهة وروح المرح ومن اهم النصائح:
@Hader_mohmeed متتعشمش قوى فى صحابك البنات وتقولها انا معجب بفلانة بس توب سيكرت لان فى فسوة هيتحول لخبر مبيبقوش أتفطموا لسة معلش
@Jehad_Omaar في الأول بتدخلوا تلاقوا ناس كدة رايحين الجامعة بالبيچامات و التريننج دول سنة رابعة و هتبقوا زيهم في يوم إن شاء الله
@mazzahi استمتع بحياة الطلبة علي قد ماتقدر وبكل دقيقة فراغ, سينما, مسرح, اوبرا, معارض, اثار, عشان بكرة لما تتخرج مش هاتلاقي وقت!
@ahmed_mody دكتور الجامعة مش مدرس الثانوى يعنى متعيش دور المتشرد عليه عشان ممكن يبيتك سنين عمرك جوا الجامعة ومتتخرجش
@GIF_os .....نصيحة للبنات لو بتدورى على عريس سيبك من الطلاب الولاد ...ركزى على المعيدين اللى فى الجامعة ...أظن الرسالة وصلت
@CHEvEGOv فيلم عمر و سلمى أو الأكاديمية لا يمت بأي صلة للواقع في اللي بيحصل فالجامعة الأفلام دي ممكن تصنف خيال علمي أو خيال مريض
@DinaAminGad بلاش مكياج عالصبح حتتسرطنوا علي اخر السنة حطوا سن بلوك وللولاد شكل البوكسر بتاعك سئ ارفع البنطلون ارحمنا من موضة البامبرز
@iAlaaa2 في كل كلية فيه شلة شباب حشاشين بيدبلروا وبيبقوا معروفين ومشهورين في الكلية. متحاولش تبقى زيهم عشان اما تدبلر محدش هينفعك.
@MYousrySalama متاخدش الموضوع على أعصابك مش حتبقى رئيس وزرا، وحتى لو بقيت رئيس وزرا اديك شايف رؤساء الوزرا بتوعنا عاملين ازاي.
@SassOSaMa الكشكول ده عشان نحمى بيه وشنا م الشمس ونفرشه عالرصيف نقعد يعنى م الاخر هات حاجه ماتكونش بسلك ..
@M0hamedHassan جرب كل الاكلات اللي في الكافيتريا لحد ما ترسي هتاكل ايه باقي سنين الجامعة
@DoddaAlsheek لو اتعرف عليكى عشان تحضرو مع بعض ده مش معناه انه قرر يتجوزك
@Gamalmoubark1 انسى حوار انك تاخد ساندوتشات معاك الصبح ماشي ياحبيبي ولو فكرت تاخد ساندوتشات متخُدش بيض
@Mahmoud_mqld متتعاملش مع حد بمنطق دا فلاح ياي وده صايع يع ودا لبسه نضيف يبقى حلو..
@shroukelsayed1 حبيبى انت مش داخل تظبط بنات حبيبتى انتى مش داخلة تصطادى عريس اتوا رايحين تتعلموا بلاش تضييع وقت فى تفاهات
@Ayafareed هتلاقي ناس كده دحيحية بتذاكر من الاول و أنت طالع تعبان من الثانوية و مش قادر تذاكر عادي متخافش كل الناس كده:D
@FinallyDrShiRy أما تسمع صوت جرس دي مش فسحة .. دي الكلية بتولع ،
@Hader_mohmeed مش اى ولد يجى يكلمك يبقى معجب بيكى وبيجرى وراكى على فكرة ممكن يبقى معجب بصاحبتك :))
@dinaaag_dina هتروحي الجامعة هتلاقي في واحد عامللي فيها توم كروز . . فكك منه . . ده فاكس على فكرة
@shilaberry اضرب المحاضرات و عيش حياتك
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
