دعا رئيس "الحزب التقدمي الاشتراكي"في لبنان النائب وليد جنبلاط،الى السماح بزراعة الحشيشة. وقال جنبلاط، في تغريدة عبر حسابه الخاص على تويتر "آن الاوان للسماح بزراعة الحشيشة، والغاء مذكرات التوقيف بحق المطلوبين في هذا الحقل".
وقد تناول ناشطون هذه التغريدة باستغراب كبير فانتشرت في وسائل التواصل الاجتماعي، مخلفةً الكثير من الأسئلة حول هذا الرجل الذي يشغل لبنان كل فترة بأحد تصريحاته الغريبة.
@NMobader بدي روح حشش عاى باب مخفر حبيش
@farah_jahmi قرار ظني بمنع المحاكمة عن بهيج أبو حمزة واسترداد مذكرة التوقيف بحقه...فهل صدر العفو من #جنبلاط ليخرج من السجن؟
@RaadMob جنبلاط_شرعها مطلوب فيزا عمل الى لبنان !! بلكي الواحد غير جو !!
@MenGherCharles هيك هيك بطّلنا سويسرا الشرق وولا حَنِرجَع.. خلينا نصير هوَّلندا الشرِق.
@LHassanieh الزلمي عم يحس مع الفقرا زراعة الحشيشة مش أقل ضرر من السرقات اللي عم تصير. بعدين الشعب بحاجة للتسطيل .
@abbaszahr خبر عاجل : مسيرات احتفالية تعم مناطق البقاع احتفالا بتغريدة وليد بيك
@Abdallah_Jibai نطالب الوزير ابو فاعور بتطعيم حميع الدواجن بي فيتامين الحشيش لتعم الفائدة بشكل جماعي
@jemnina تصوروا كلنا محششين وطالعين عالتايم لاين رواققق ومسالمه وكل لبلوكات بتنفك ههههه
@BarakatPascale انتوا قدروا شرعوا قوانين لمحاسبة المسوؤلين من سرقة الشعب وما عليكن
@Malak_your الحشيش يعرفني وأعرفه فيدخل في شراييني وأدخل ساعة الصمت المموسق ثم أخلد للشجون
@kte_co يمكن إذا منجربها منصير نفهم النواب كيف بفكروا
@CezzarBilal بدنا صنف إسمو ( جايين الدنيا ما نعرفشي ليه )
@htarhinov يعني صار فينا نشرب القهوة الصبح عند ابو عساف مع حشيش ع العلن
@MichelMoutran أحلى شي ب @walidjoumblatt كيف بوفّق بين جنبلاط الثاقب الرؤية-المثقف-المبدئي و بين جنبلاط السياسي-المناور-الميكيافيلّي
@BigHajjar جنبلاط وزلمو لاهيين لبنان كلو من أبو حمزة للأكل مروراً بالحشيشة والمخطوفين الله ينجينا من الخازوق اللي عم بيركبولنا يا عالسكت
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
