تضامن العديد من المصريين في موقع التواصل الاجتماعي تويتر مع الإعلامي باسم يوسف، عُقب تلقي النائب العام المصري بلاغاً يتهم الإعلامي باسم يوسف بالسخرية من رموز الدولة وعلى رأسهم الدكتور محمد مرسي. وقد كانت التعليقات المتضامنة مع الإعلامي باسم يوسف كالاتي:
@ShehabSOmar التعبير عن الرأي كآن من أهم مطالب الثورة ، عشان كدة متضامن مع باسم يوسف !
@dardachat هم مش بيقولوا ان من اسباب الثورة و غضب الشعب على النظام السابق انهم كان بيكبتوا الحريات و لو جبت سيرتهم بكلمة تتحبس ؟؟؟
@KonfaniElahwa عارف ياريس ياريتك زى باسم بتفرح الناس ... مع ان انتا معاك حاجت اسهل من باسم .. ممكن تطلع قرار يفرح 90 مليون
@nezar76 ﻷنه ترك اشرف المهن وهي الطب واشتغل اراجوز
@mena_yasser لو معملناش حاجة عشان باسم يبقي خدوا من ده كتير،وده مصير اي حد يقول رأيه فالبلد دي،وكله بالقانون كتر خير اللي قالوا نعم
@Mohamadgamal83 عشان مقتنع بكلامه وبكل حاجه بيقولها ..ولان اى واحد يستغل الدين لازم يطلع تلاته ميتين امه.. ودى الخلاصه
@Moustafa_5alil لو باسم هيتحاكم علشان بيعرى مرسى والمتأسلمين على حقيقتهم اومال واحد زى العريان الى معرى نفسه بنفسه يتعمل فيه ايه
@NourEldeen_4 عشان هو بيقول الفاظ ابيحه وتشبيهات حكيرة وحتى وبالنسبة للشيوخ هم غلطانين وبيشهو الاسلام بس متقلبش علينا المواجع
@Elramlya علشان خلاص خلصت من زمان قصة تكميم الافواه وان الحزب الحاكم يبقي مفيش غير كلمته الي تمشي
@dream_utopia دعم مستشفى سرطان الاطفال او اطفال الشوارع او مؤسسه خيريه افضل بكتير من عمل هاشتاج مخصوص لدعم الاراجوز المليونير باسم
@Soad_Ebrahim عشان ال يستحق الحبس هما ال مربين دقونهم و مسمين نفسهم شيوخ وكل ال بيعملوه انهم يكفرو فينا ويقولو اننا عملاء وخونه..الخ
@Mohamadgamal83 عشان السنه اللى فاتت كان اصحابى الاخوان والسلفيين كانو بيقولوا فيه شعر ودلوقتى نفس الاشخاص بتقول عليه قليل الادب وعميل
@dream_utopia ليه اتضامن مع اراجوز بيكسب مئات الاف الجنيهات فقط لانه بيقوم بحركات بهلوانيه لاضحاك مشاهديه. التضامن مع الفقراء افضل
@semsemMagico افتكر كلامك يا مرسى انما ليس لى حقوق وان على واجبات .....فين حقوووووقنا يا مرسى !!! حد حرية التعبير عايز تحرمنا منها
@Mohamadgamal83 باسم بيغلط بس مبيغلطش باسم الدين ومبيجيش يقول قال الله وقال الرسول عشان يدى مصداقيه لكلامه......
@YaraOsama5 بعد ما اخيرا لاقينا حد صادق في الاعلام مش بيتعامل بمبدا "كلكوا حلوين...كلكوا امامير"...تحولوا تحقيق!
@Queen11189 ايه المانع لما يبقه في فن ساخر معارض ف مصر ولا هو لازم كل الناس تاييد القرار
@nano0095 الي بيحصل دا قمه العار يعني ايه اعلامي يتاخد هوا احنا بنلعب معاهم وبعدين محصلش اهانه وله حاجا
@zahranan إحالة المبدع باسم ل التحقيق هي امتداد لمسلسل فرض العضلات الإخواني علي الإعلام أكيد ستزيد إقبال الناس علي برامج باسم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
