قررت الحكومة الأردنية فرض اجور على خدمة نقل المرضى الاردنيين (غير المؤمنين صحياً) وغير الاردنيين عبر سيارات الاسعاف.وقسم قرار مجلس الوزراء المعنون بـ'تحديد خدمة نقل المرضى (غير المؤمنين) وغير الاردنيين بواسطة سيارات الاسعاف' اجور سيارات الاسعاف حسب المسافة المقطوعة، وبلغت للمريض الاردني القادر وغير المؤمن صحياً ولأقل من 25 كيو متراً 10 دنانير. كما حدد مجلس الوزراء اجرة سيارة الاسعاف لغير المؤمنين صحياً لمسافة بين 25 الى 50 كيلو متراً بواقع 25 دينارا وللمسافة بين 51 الى 100 كيلو متر بما قيمته 50 دينارا ولأكثر من 100 كيلو متر بواقع 75 ديناراً. وقد أثار هذا القرار ردود فعل غاضبة ومتضاربة في تويتر وفيسبوك وذلك لاعتباره قرار ظالم قد يضر بمصلحة المواطن البسيط:
@Radwan_AlUmari هو بس لو تقرأو الخبر كويس بدل ما كل واحد شاد عحيله بقلك سيارات الاسعاف يعني للمستشفيات مش الدفاع المدني بقلك لغير المؤمن صحيا وغير الاردني
@abuhawash بعد خبر وضع أجرة لسيارات الاسعاف تبدا بعشر دنانير وتصل لخمسين .. تجد خبر عن وجود سيارات اسعاف خالية من الاكسجين تسببت بوفيات !
@MKMomani اظن الاجدى من تسعيرة الاسعاف يتم وضع تسعيرة للنخوة عندكم .. لانه اللي طالب اسعاف مش طالبه يجخ فيه ولا يعرط فيه بالحارة .. استحوا
@AymanQasim الدفع لسيارة الاسعاف رح يكون قبل ما ينزل المُسعَف من السيارة والا بعد ؟!
@F_ALhusseainy قرار اصدرته الحكومه الاردنيه في الامس اصدار ضريبه على سياره الاسعاف يعني صارت عندك حاله ودقيت ع الاسعاف وبيتكم مسافه ١٠ كم عن المستشفى ٤٠دأ
@MKMomani وهيك دخلنا عهد الرفاهيه العلاجيه وصارت سيارة الاسعاف كماليات .. عقبال تحديد تسعيرة استخدام سيارات الموتى
@jubehkhaled رسوم جديدة على سيارات الإسعاف على المسافة "ركبولهم عدادات " ! يعني بكرا زي ما في مكاتب تكسي راح نشوف مكاتب سيارات إسعاف
@BONBONEH فرض رسوم على سيارات الاسعاف لنقل المرضى )اجرة سيارة وطبيب وممرض( ما مجموعه 40 دينار .
- Marwan Abu Al Hija'a كل همكو بس من وين بدكو تجيبو المصاري...الله لا يحيجنا الكو
- Wafa Abu Hamdan ازا الواحد لما بده يموت كفنه والقبر بكلفه راتب شهر نوقفت على سيارة الاسعاف ،،، حسبتا الله ونعم الوكيل
- Osamah Alkwaldah سيارات الاسعاف المميزة لأبو الحاج زي التاكسي المميز ، ومستقبلاً سيارات نقل الموتى المميزة
- Ayman Sini والله الحكومه مش ضايل غير تروح على الاموات وتدفعهم ضريبه ليش يموتو هههههههههه خظرا يا بلدي خظرا
- Ragheed US والله هالحكي في أدغال أفريقيا مش موجود !!! يمكن احنا البلد الوحيد في العالم الي بعمل هيك !! فعلاً ان لم تستحي فاصنع ما شئت
- Nesreen Salmm عادي حقهم ..........بس بصير اجيب سيارة اسعاف واشتغل عليها طلبات
- Nouradeen Al Sharief يعني مشان الله ما في حدا يوقف هالمافيات الي في البلد الي مش عارفه كيف تلعن سلسفيل الشعب ... والله قرفنا
- Roqia Maita يعني الطفران الي ما معه يدفع يموت ببيته ؟؟؟ ليش بفرضوا رسوم على كلشي وكانه دخل المواطن فوق الريح وين صارت راتب قليل ورسوم كثيرة والمصيبة بعد ما يدفع االرسوم بتعرفوا وين رح يوصل ههههه عالبشير او الحاووز .... والله ودفع ووصل
- صباح الإستغلال الحكومي، صارت سيارات الإسعاف الحكومية بأسعار أغلى من أستأجار سيارة سياحية فاخرة
- المواطن الغير مُئمَّن صحياً هو المواطن الغير قادر على دفع رسوم التأمين، هل من المنطق أن تزيد الحكومة أجرة سيارة الإسعاف على هالمسكين؟
- لا بد من تقاضي الدولة بدل خدمة سيارات الاسعاف والعناية الطبية كون الخدمة تقدم لغير المشمولين بالتامين وبالتالي هي احد اشكال الدعم المكلف
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
