تحدى الشيخ الدكتور أسامة سليمان على قناة الحافظ الإعلامي الدكتور باسم يوسف قراءة الفاتحة على الهواء مباشرة متعهداً بأنه اذا قرأها بالشكل الصحيح سوف يعتزل الدعوة، وأضاف متسائلاً “هذا الباسم .. هذا الخبيث الذي جاء يهزأ بالعلماء وبولي أمر البلاد، هل هذه هي الديموقراطية والحرية التي يدعون اليها ؟”. ولاقى الفيديو العديد من التعليقات بعد نشره على موقع اليوتيوب:
- الحمدلله على إني ولدت مسلمة.. لو كنت غير مسلمة ودول وشوفت دول.. مستحيل كنت اعتنق الإسلام.. لولا أن أنعم الله علي بأن ولدت مسلمة. الحمدلله
- أصبح كل شيخ عاوز يتعرف او يشتهر يتكلم على الفنانين والمذيعيين ... خليكم في الدعوة أفضل وخلي اللي يتكلم يتكلم ياشيخ
- يا عمي سواء حافظها او لا هو بيقرأها لله مش ليك غريبة هؤلاء المتعصبين بربدوا ان يعملوا عمل الله في الحكم على الناس! يا عمي ارجوك سيب الدعوة ابوس ايدك انتا فاهمها غلط وابوس ايدك يا باسم يا يوسف اغلط في الفاتحة عشان ده يعتزل الدعوة ما هي دعوة بتاعت ابوه اصلا ومفتاح الجنة في جيبه ! لا حول ولا قوة اللا بالله
- على فكره الحلقه دي لواحدها ممكن تخلي باسم يوسف يعمل موسم كامل عليها :D اتقو الله يا منابر الدعوه :)
- دعوه للدكتور باسم يوسف ان يقرأ الفاتحه ويرحم الأمة الاسلاميه من احد دعاة الفتة ينوبك في الاسلام ثواب
- شيخ بيتلمس الأخطاء لباسم و سايب كل القاذورات اللى تقيأ بيها شيوخ على القناة بتاعته دا نسميه شيخ و النبى إزااااااااااااااااااااى....؟!!
- هما دول اللى بينشرو الدعوه مش هقول الا ان باسم عندو حق فى كل اللى بيفضحكم فيه
- تقريبا المذيع كمان عايز يخلص من الشيخ ههههههههههههه
- هيقعد يقول أصله أحكام التجويد غلط و اللي بقرأ الفاتحة هو بقى محترم طيب ممكن هندوسي يقرأ الفاتحة صح عمرو ما كانت مشكلتنا مع الله مشكلتنا مع الذين يعتبرون أنفسهم أنهم بعد الله
- هو انتو فكرين احنا في عهد الكفار ولا ايه طبعا بنصلي و بنقراء كتاب ربنا و وبنزكي كمان و الحمد لله, حاجة !! غريبة اوي يعني ما القناة دي بتشتم و من الشيوخ كمان
- ربنا يشفيك ياعم الشيخ...............يعني لو قرأها هتبطل الدعوة .....دعوة ايه الله يخربيتكوا اساأتم للاسلام بافعالكم
- يا شيخ أنا مسيحى و حافظها...ايه الكلام
- تخلف تخلف تخلف قنوات دينية إيه بس والناس دي هل مؤهلة للدعوة لله ولا كل واحد قرأ كام كتاب بقى شيخ اللهم يحفظنا
- ايه الهبل اللي بقينا فيه ده هو بيتكلم في دينه ومدي صحة اسلامه علي اي اساس هو ده دين ربنا وسنة رسوله جهله جهاه حتي بمدي معرفتكم بدين الله منافقين وايات النفاق ظاهره عليكم طامعي سلطة ودنيا
- انت وضعت الدعوة الى الاسلام فى كفة , و قراءة الدكتور باسم يوسف للفاتحة فى كفة . اللهم قوى إيمانك .
- أحا انت باقلك تلاتين سنة بتدعو الى الله .. ومش عايز نسبة الالحاد تزيد ..؟؟؟
- لو قراءة باسم يوسف للفاتحة هو تحدى نتيجته المباشرة اعتزال هذا المتأسلم للدعوة ... أنصح الدكتور باسم يوسف بقراءة القرآن كله على الهواء..
- باسم هذا لا يجيد أن يستنجي إذا دخل دورة المياه إزاي يا شيخنا عرفت باسم بيعمل إيه في دورة المياه ! ناس مريضة بجد ربنا يشفي و يهدينا و يهديهم
- اتمنى من باسم يوسف أن يقبل التحدي عسى أن يعتزل الدعوة فعلاً! الدعوة من أمثاله تنفر الناس لا تبشر!
- ياجماعة الشيخ يقول يقرأها قراءة صحيحة (يعني بأحكام التجويد المعروفة للمسلم) , وأنا مع الشيخ في أن ولا شخص من اللي ذكرهم يعرف يقرأ الفاتحة قراءة صحيحة كما كان يقرأ النبي صلى الله عليه وسلم
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
