صور جديدة للنجمة "شيريهان" تشعل مواقع التواصل الاجتماعي!

منشور 22 أيلول / سبتمبر 2013 - 04:55
صور جديدة للفنانة شيريهان
صور جديدة للفنانة شيريهان

حصلت الفنانة المصرية " شريهان " علي جلسة تصوير خاصة لصالح مجلة " زهرة الخليج " وانتشرت صور شريهان علي شبكات التواصل الاجتماعي بسرعة واثارت صورها العديد من التعليقات المتضاربة وهناك العديد من التعليقات التي اشادت بجمالها وعبر البعض عن سعادته بسبب نية الفنانة العودة الى الساحة الفنية ومن ابرز التعليقات:

- الواحد كل ما يشوف صور شريهان الجديدة بيزعل على نفسه ،، احييه بجد الله يرحمك يا أنوثة  شريهان قمر وانوثة بعد كل المرض والعمر ده ماشاء الله

- وحشتينا يا أسطورة الفن والأستعراض جمالگ لسه زي ما أنتي مشاء الله رجعتينا نفتگر زمن شريهان من جديد

-  تعود شريهان للحياة من جديد بعد صراع طويل مع المرض والخضوع للكثير من العمليات رجعت شابة الا تمنح هذه الصورة امل!

-   ربنا يهديكي يا اخت شريهان.حضرتك مريضة شفاك الله بس فكري لما تقابلي ربنا هل حيكون راضي عنك.؟

-  شريهان تختتطف الأضواء مرة أخرى ، وتستحق نلقب جمة الفيس وتويتر ل24 ساعة الماضية بامتياز

- لكل المناظر الى الواحد بيشوفها فى كليته ... شوفوا شريهان عندها 50 سنه و لسه متعالجه من سرطان و لسه مهته بنفسها و زى القمر زى ما كانت

- إحنا بنكبر و هى بتحلو ... عن شريهان أتحدث

-  اوووفففف يا نهار ازرق إيه ده يخربيييتك يا شريهان انا امي لو شافتها هتتجنن

- انا شكلي اكبر منها :( شريهان من القلة اللي جمعوا بين البراءة والإثارة.

- عمرو دياب لما غنى اغنية"لفتها بلاد" ف البومه الجديد كان يقصد بيها شريهان ،يا جامد يا هضبه

- لو ليا أنى أتفرس من حد و كدهو هيبقى من شريهان و شكلها الجديد شعرها ياااااااااااااااا اخوانااااااااااااااااااااا

- شفتها ومش مصدق ان دي شريهان دلوقت.بجد ما شاء الله عليها وعلي ارادتها الفولاذية...ربنا يحميها

- هى شريهان رجعت وبقت مزه ؟؟؟ والله العالم بقى بتحصل فيه حاجات مريبه

- لو دي صورة شريهان في الخمسين وبعد مرض طويل كمان!!!  اذا مرحباً بالشيخوخة  :))))

- مشيها فوتوشوب علشان فى بنات هتزعل لو بصت فى المرايه على نفسها بعد ما تشوف صور شريهان

- أحلى حاجة إن الناس عندي على الفيسبوك بقالهم ٣ شهور بيقطعوا في بعض بسبب السياسة. أول ما حطيت صورة شريهان الجديدة، الشعب عندي توحد من جديد.

- شريهان في إطلالة جديد  الجمال الطبيعي لايهرم لايختفي، كأن لم تمر عليها السنين، ولا المرض

- في 500 فنانة ولعوا في نفسهم و9654 بنت رموا نفسهم تحت المترو  لما صور شريهان الجديدة نزلت عالنت

- وفجأة بقا كل البنات حطين البروفيل بيكتشر صورة شريهان ! شعب زياط بالفطرة

- انا بطالب بعوده نيللي مع شريهان لتكتمل البهجه .... ووعد مش حقوم من علي الكنبه

 

 لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا

مواضيع ممكن أن تعجبك