ابتكر الشعب المصري كعادته طريقة جديدة للحديث والاحتفال بيوم الحب، فقام أحد المغردين المصريين في موقع التواصل الاجتماعي تويتر، بإنشاء هاشتاغ الفالنتاين في زمن الفراعنة، من باب تخيل كيف كان يمكن أن يحتفل الفراعنة السابقون بيوم الحب "الفالنتاين" بأسلوب ساخر، ومن التعليقات:
@IchTelxsz "كتبتلك قصيدة على ضهر المَسَلّة يا بيبي." 'جرا إيه يا فرعون يا ناقص؟ قصيدة؟ ما افتكرتنيش حتى بزهرة لوتس
@abomosaab4400 يا ويلكم يا ويلكم من بطش الآلهه تحتفلون بعيد الهكسوس والفينيقيين تبا لكم <حزب الاخوان المتفرعنين>
@mennasaaaad بحبك أكتر من الموت،بحبك حب الناس لحتشبسوت..ابنيلك معبد و مسَلّة و هرم،و أخرُملك الأوزون اللي لسه ما اتخرم..
@AhmedAbdilFatah يا فرعونه تحبى تروحى فين إنهارده ؟ إيه رأيك نروح ورا المسله وأجيبلك ورد ونتسلى. ولا أقولك الهرم فاضى وخوفو راضى
@SiLVesTer_UA اجيب هدية ايه لصاحبتي ياض يا امون؟, هاتلها مسلة يا عم, قدمت, متجبلهاش حاجة ياض و تعالى نلعب رع تاشن , فكرة بردو
@HeshaamRefaat امتى انا وانتى يجمعنا تابوت واحد... انشالله حتى نضرب بردى عرفى .. يكتبهلنا اى كاهن xD .. الفرعون العاشق
@abomosaab4400 هناك أخبار تفيد بأن <الاخوان المتفرعنين >سوف يتواجدوا بكثره عند ميدان لوحة الملك نارمرلملاقاة الثوار المتفلتنين
@sabryabdelbaset بيقولك ان شبكة سنوحى فون عملة عرض بمناسبة الفلانتين جامد جدا ان اشتركت ..للاشتراك نجمة تلات ثيران ابوقردان شباك
@AboAshaff هاتي صاحبتك نفرتيتي عشان الواد أحمس جي معانا
@saraessam21 لازم نفركش يا أمون أبويا شاف القصيدة اللى كتبتهالى على حيطة المعبد وحلف يجوزنى لواحد عنده ٣ مسلات وعجلة حربية
@ahmedeldaly1 يا بت دا عقد مرمر اصلي ما لبسهوش غير الملكه نفرتيتي في دخلتها ..وحياة امون
@AhmedMunchyy كليوباترا .. أنا بحبك أه و كل حاجة بس مش هرتبط بواحدة بعد 7000 سنة هيعملوا على اسمها سجاير و سيراميك
@Ana_eLdaKr لازم تشيل مسؤليه ع اخمون ، اشتغل فى بناء الهرم و كون مستقبلك ، عايزين ندخل ولادنا معبد الكرنك . .
@a7med_heroOo الغريب بقي ان عندهم عيد وفاء النيل بيرمو في الجميلات في النيل لية ياكفرا ؟حد يرمي النعمة اهي زالت من وشكم لآبد
@Moh_Magdy93 تم القبض علي حتشبسوت و رمسيس في وضع مخل بالاداب داخل عجله حربيه علي طريق خفرع الدائري
@alaaelswah معلش يا حبيبتي هما اختاروكي عروس النيل السنة دى مش هنلاقي اغلي منك نرميه في النيل كله فداء اللإه حابي
@AhmedSelimZ اكيد مكنوش بيجبوا هدايا و كلام الفارغ ده ، ده كان اقل ملك متجوز ٣٠ واحد ، اومال كان مصاحب كام
@MeraMamdouhM7md هنروح نتفرج علي فيلم ازيس الابيض بتاع احمس السقا حفلة ميد نايت".
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
