قام مجموعة من الشباب السعودية بعمل فيديو بعثوا رسالة من خلاله لأرباب العمل ورجال الأعمال مفادها ” ثق بي وأعطني فرصة “، هذا الفيديو يعرض مقابلات حقيقية وواقعية، صورت في أماكن عامة لشباب سعوديين باحثين عن عمل عبروا من خلاله عن طموحاتهم وآمالهم في سعيهم للحصول على وظيفة وخدمة بلدهم، وقدلاقى هذا الهشتاق ردود فعل كبيرة من قبل المغردين السعوديين:
@PR_56 مااملك خبره..فانا خريج.. لكن احب تطوير ذاتي , احب التعلم وسريع فيه..اختبر حب العمل والجديه فيني.. اعطني مجال للابداع .. كن معي و أعطني فرصة
@Soad401 الشباب مبدعون ولكن يحتاجون لمن يدعمهم ويمنحهم الثقة..
@Maryamq23 حتى اظهر لك قدراتي واسابق الغرب الذي تعيش وتموت مبهور بعم وبانجازاتهم
@g11a_com الى متى وشبابنا يبحثون عن الفرصه الاقرب الى متى وحياتنا أصبحت صعبه على بعض من يحمل راتب فبالله كيف هو حال العاطل ..!
@RoOan10 وسأثبت وجودي ، ما أطلب منك مالاً أو جاهًا أو مالًا فقط أعطني الفرصة وحسب
- انتوا بتضحكوا على مين بس ؟ والله ان القطاع الخاص اصبح من القوانين الجديدة يستقتل على انه يحصل على سعوديين بوظائفه الشاغره لكن انتم إلا ما تتحركوا ولا تجتهدوا إلا ما قل وندر .
إلي يطلع السلم كله مره واحده هايقع وتنكسر رقبته تدرج ياخي التدرج سنه الحياة ما الفرخ صار ديك في يوم وليله .
- والله انو في وظايف عشان توني بثانوية أشتغل بالأجازة وبدون واسطة عندك ماكدونالدز راتب 3500 والفنادق وذا تبي ترتاح جيب درجة عالية ومن فوق كل مسؤل تتوضف
- أنا ماني فاهم اللي يقول ماعندي وظيفة من السعوديين مايشتغل مندوب مبيعات قرفو اهلنا بالوسيلة "مطلوب مندوب مبيعات" "مطلوب مندوب مبيعات" و "مطلوب مندوب مبيعات" سلكو اموركم يعني الحياة ماوقفت انك لازم تلاقي الوظيفة اللي تتمناها ابدأ صغير واكبر وبتلاقي الوظيفة اللي اكثر من اللي تتمناها
- رؤح شوف يالي تبي توصل صوت الشباب ..كل بيت سعودي فية عاطل !! بلا كذب اعلامي ترى تعبنا من الكلام الي يودي ويجيب نبي شغغل لا اكثر ولا اقل بدون تشهير وتغطيات اعلامية الفعل يبان !!
- انا شاب سعودي , وانا اعرف ان اذا تخرجت ماراح احصل مشكله بالوظيفه لو كنت ابي اتوظف وبس , لكن مشكلتنا حنا هنا يالشباب ان الكل يبغى يصير المدير , او صاحب منصب , مافيه احد يحب يبدأ من الصفر , فـ الكل يبغى يتخرج ويحصل سياره وبيت ووظيفه وزوجه
- المشكله ليس عدم توفر فرص وظيفيه المشكله هي الوعي في المجتمع هذا السبب الحقيقي
- ما يحتاج نضحك على بعض , عارفين سبب البطالة وعارفين الحل .! ليش نسوقها على بعض ؟ الثورة هي الحل !
- ياعمي كذاب مافيه الا وظيفه وحده بـ6 آلاف والف شرط خبره + انقليزي + سياره + رخصه هذا كلها لو توفرت رحت اشتغل في امريكا اصرف
- للاسف الجيل الجديد فاشل ولايعتمد عليه سوا طبيب معلم مهندس عسكري......الخ ولا الوم الدوله فيهم..والي يناقض كلامي يشوف صاحب المقطع مهتم في شعره وتسريحته كنها عرفج برري بالله وشلون اعتمد عليه ذا
- ياحبيبي اانا مليت من كل كلام الفاضي كل ماراحت ابحث قالولي راجعنا بعد شهر راجعنا بعد شهرين مافي اي شئ ومع ذالك ماااقول غير حسبي الله على دوله عندها خير وتنسى مواطنيها
- انا في خريج في جامعة الملك خالد اللغة الانجليزيه ومعدلي 4'36 وقسم بالله من تقديم الا تقديم وحافز باقي له شهرين وااه بس وااه
- يجب منع العمالة الاجنبية أو فرض رسوم حتى تتساوى الفرص ولا يكون هناك فرق في الرواتب ويكون التنافس عادل
- انت اللي تقول السعودي يبغى 6000 وفوق الحين عشرة الاف مو قادر تسوي فيها شي ومن حقه السعودي يطلب الميزانيه بالمليارات والرواتب من 2000 و 3000 وحاسدينا عليها
- حتى مكالمه وحده من شركه ما جاتني انا ماجستير حاسب
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
