تضاربت الأنباء بشأن قانون التظاهر الجديد المزمع إقراره في مصر، ففيما نفى عصام العريان، نائب رئيس حزب "الحرية العدالة"، وجود مشروع قانون لتنظيم حق التظاهر، نشرت صحيفة حزب "الحرية والعدالة" وبعض الصحف المصرية الأخرى نص مشروع القانون. وقد أثار مشروع قانون التظاهر الجديد حالة من الغضب والسخط، بين النشطاء والسياسيين من رواد موقع التواصل الاجتماعي "تويتر":
@MahmoudElrwaidi متضايقين من مرسي ليه؟ الرجل منظملكم حياتكم! وقت لإغلاق المحلات و وقت للتظاهر و شوية هايحددلكم النسل و موعد النوم
@fadiysafwat أول تشريع من الشورى هو قانون منع التظاهر الجديد مكانش مشروع الاجور ..مكانش مشروع قومى للقمامة والمخابز مكانش مشروع عن الغاز..
@w0el القانون شرعي حسب الدستور اللي صوت عليه المصريين ب نعم ومحدش يقدر يفتح بقه او يتظاهر والا مئة الف غرامة وحبس
@youssef_zaki97 قانون المظاهرات الجديد بينص على ان التظاهر يبتدي 7 ويخلص 7 !! ده إيه الشغل اللي بيخلص ساعتها ده
@SSherif_ وكمان الريس مش عايز يتعبنا .. و عارف ان الجو بعد 7 بيبقا سقعه موت , بذمتك امك هتخليك تنزل بعد 7 .. اعتبره امك ياخى
@m7amedElshemy اي حد نفسة يعمل مظاهرة ياخد الاذن من الداخلية و يعرفهم اهداف التظاهر و الناس اللي هتتظاهر طب ما تنزلوا معانا احسن
@a7md3ala2 يعني إيه مظاهرات بمواعيد ؟ يعنى ممكن أروح مظاهره يقلولي شطبنا !!
@vanillaflavorr من حق العمال الاضراب السلمي دون تعطيل الانتاج !بيفكرونى بالقذافى لما قال للشعب تظاهروا براحتكم بس مش فى الشوارع
@TahaRadwan المظاهرات دى اللى جابتكم ياشوية بهايم ... افهموا انتوا بتتحدوا جيل ما بيعرفش يسكت على حقه
@eldaktor_taha يعني يوم ما يبدأو يصيغوا قوانين يبدأو بقانون المظاهرات والاضرابات !! ده يدل علي ان نظامهم هش وبيحصنوا نفسهن
@aboel3awn لازم بعد كده لما تنزل تتظاهر يكون معاك رصيد في ال ايه تي ام اكتر من 100 الف علشان لما تتمسك تعرف تدفع الغرامه
@sara_Helmy دا عامل زي الاسوار الي كل شوية يبنوها وفاكرين انها هتمنع التظاهر او الاعتصام، هم حاسين اد ايه هم فاشلين؟
@Dr_DuaaZain يدل ع ان الاخوان فاهمين الديمقراطية كطريق باتجاه واحد للصعود..لكنهم سيتفاجؤوا يوما من انه اتجاهين والتحطم سريع جدا
@mensh007 يعنى ايه اجتماعات او مظاهرات او ندوات تهدد الامن العام مش فاهم!؟ وسيادتكم اللى هتحددوا مين يهدد ومين لا يهدد !؟
@Dr_Hesham_Salah نشكركم ياثوارعلى حسن تعاونكم معنا فى تسليمنا السلطة اللى بقالنا80سنة مكناش عارفين ناخدها.مع تحيات الاخوان المسلمين
@_HishamFikry قانون منع التظاهر الجديد جميل أوى الصراحة... ممكن يلمك من على القهوة لو لقاك بتتكلم فى السياسة بعد الساعة 11م.. آخرك تتكلم فى الدورى العام!
@Esraa2008 لازم نعرف مين اعضاء لجنة حقوق الانسان فى مجلس الشورى اللى قدموا هذا القانون ؟ ومين اللى كتب هذا المشروع بشخصه ؟
- لو صح قانون التظاهر الجديد يبقي (مرسي - المرشد - خيرت) هم (فرعون - هامان - قارون ) هذا العصر
- قانون التظاهر الجديد = قانون اخر سيطأه الشعب بقدميه ولن تستطيع سلطة فرضه عليه !! مفيش قوة تقدر تقمع شعب بمرحلة انتقالية ،حوار نعم ، قمع لا
- بدل ماتعمل قانون ينظم او يمنع المظاهرات طب ما انت تحكم البلد بأحترام وحقق العدالة وماحدش هيفكر في مظاهرات اصلا !
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
