يستمر انقطاع المياه عن مدينة دمشق لليوم الخامس بسبب المواجهات ما بين الجيش النظامي و"الحر"، ومحاولات "لوي الذراع" التي يستخدمها الطرفان.
الناشطون السوريون على شبكات التواصل الاجتماعي، حولوا هذه المأساة إلى ملهاة بتعليقاتهم المضحكة حول الموضوع، وذلك بعد أن أُرهق السوريون من شح الغذاء والكهرباء والوقود، ولم يكن من المتوقع أن يصل الأمر بهم إلى حرمانهم من المياه، حيث تشتهر #دمشق بمياه "الفيجة" العذبة:
@yamen sulaiman: بكل اعتزاز و فخر .. سنطلق حملة (من حقي اتحمم) على من يرغب بالمشاركة .. التوجه فوراً لترخيص الحملة من وزارة الداخلية و على الأرجح أن نخرج من وزارة الداخلية بدون ثياب داخلية
محمد: المطر قاعد غسيل بقلوب هالعالم وهالعالم ماعندا مي لتغسل وجهها .هذا و سينتشر مصطلح "البيدون" هالكم يوم في دمشق .. هالمرة مشان ال "مي" وليس "المازوت" .
Same don: عيني هون بحلب البيدون شاكلينو ع خصرنا...متل المفتاح وين منروح مناخدو...الاشوي بدنا نعبي فيو هوا لنتنفس
سعيد : أصلاً عادي كتير... شو يعني ؟؟!!! وإذا جوعانين وما عنا غاز .. وبردانين ما عنا مازوت ... وزهقانين ما عنا كهربا .. وعطشانين ما عنا مي .ليكنا ...عايشين عيشة كلاب ... شو بدنا أحلى من هيك ؟؟؟ بصراحة ما كان ناقصنا غير العاصفة ميتشا مشان تكمل معنا..
Rana Tamer: و من شو بيشكي حمام التيمم ..
Huda Nasri: التوجه الى حمام السوق....بس انتبهوا ما يكون في كاميرات مراقبة دتخل الحمام. مشان هدر الماء وأشياء اخرى
يم مشهدي : الشامي : صرلنا يومين بلا مي
الحلبي : lol
الرقاوي ...خدو داعش عنا وانا بعيش العمر كلو تيمم ............
وليد المصري: يا جماعة... تقشفوا بالنق... خلو النق الابيض لليوم الاسود.. لسا ما شفنا شي
Manal Ismael : شكراً لكل من تعاطف مع مأساة انقطاع المي بالشام وحس بمعاناتنا من إخواننا المغتربين...رح نبعت لكل واحد سطل مي فاضي بالدي اتش ال عربون محبة وتقدير
Munir Ismael: كل (سطل)تعاطف معك بيكون ما فهمان شو عم يصير !!
منال: -هلق هاللي عم يكتبوا شعر بالمطر ومافي مي يغسلوا بعد ما يطلعوا من الحمام شو بهن؟
-اي المهم ينسقى الياسمين وما يدبل...ازا دبل كيف بقا بدهن يكتبوا شعر؟
@Muhajreen: مين اجت المي عنده.. يعبيلنا بيدون مي ;-) الرجاء تحديد المنطقة حتى تزرعوا بقلبنا الأمل بمجيئها...
@ribal_ku: هذا و سينتشر مصطلح " بيدون " في دمشق هالسنة مشان المي مو المازوت...
