فى إطار احتفال جهاز المخابرات العامة المصري بالذكرى الـ 57 لإنشائه، أذاع مساء يوم الثلاثاء فيلما تسجيليا بعنوان "كلمة وطن" يجسد دور الجهاز في حماية مصر. وتناول الفيلم تاريخ إنشاء أجهزة المخابرات في العالم وقرار الرئيس الراحل جمال عبد الناصر بإنشاء جهاز المخارات المصرية في عام 1954.وقد أثار هذا الفيلم موجة من السخرية وردود الفعل المتضاربة في موقع التواصل الاجتماعي تويتر واليوتيوب ومن أهم التعليقات التي جاءت على الفيلم:
@waelabbas الذراع العسكري لامريكا؟؟؟ ده على اساس ان الامريكان مش قاعدين في قواعدكم الجوية في بني سويف مثلا
@Legendaaaary يعني هو محدش قال للي عمل الفيلم إن فضيحة لافون ديه جت صدفة كدة و لولا إن القنبلة انفجرت قبل موعدها مكنش حد اتمسك أصلاً
@WaleedElmallah وبعدين فين دور الفنانة نادية الجندي و المسلسل اللي عادل امام هيعرضه في رمضان مش انجازات الثورة
@ahmedshabaan الفكرة إن المخابرات مش جامدة ولا حاجة، الجواسيس هما اللي أغبيا زيادة عن اللزوم
@rneklawy ليه المخابرات مصممة تبوظ الصورة اللى كانت فى دماغنا..أذكى جهاز مخابرات فى العالم..و الله كنا طيبين
@MohamedRady312 دا انا جسدي انتابته القشعريره فيلم المخابرات. .. احترس ياسبكي المخابرات المصريه قررت تغير نشاطها وتنتجلنا افلام هابطه
@gogomostfa طيب انا طول عمرى بحب وبفتخر بالمخابرات بتاعتنا بس بعد الفيلم ده واخراجه وكتابته مكسوفه الصراحه
@salamah طلعت المخابرات هي اللي بتمسك السلاح المتهرب اللي كل شوية الداخلية بتعلن إنها مسكته.. الاتنين كدابين طبعا
@ramboza فيلم المخابرات مسبش حد إلا وحرض عليه.. إخوان سلفيين أقباط بوذيين أجانب.. مهرجان التحريض للجميع.. إيه لازمة الفيلم ده حتى لو معلومات صح.
@AbdelazizMahdy هما مش حيحكوا عن انجازات المخضرم الفلته العبقري الدكتور توفيق عكاشه في فك شفرات مخططات المخابرات المعاديه عيب يا جماعه والله
@ahwafy احلى حاجة في فيلم المخابرات كلمة وطن انه تجاهل مرسي كرئيس تماما، وحسني مبارك مقالوش اسمه الفيلم فيه كمية كلام بين السطور مسخرة
@alsa3idy بحبك يا مخابرات بحبك يا مخابرات بحبك يا مخابرات بحبك يا مخابرات ..ملخص الفيلم
@El_Shazli أنباء عن ترشيح مخرج فيلم المخابرات لجائزة السعفة الذهبية كأظرف فيلم هزلى فى التاريخ
@HatemEzz لو المخابرات مش عارفة تعمل فيلم يقنع الناس أومال حتقنعوا المخابرات التانية في عملياتكم يا ولاد الموكوسة
- كان ناقص يقولوا بس اني لما كنت جعان جدا و مفيش أكل ف البيت و طلبت ديلفري ، هم اللي جابوا اﻷكل بعدها بتلت ساعه
