شهدت إعادة محاكمة الرئيس السابق محمد حسني مبارك ونجليه علاء وجمال واقعة طريفة حيث قام القاضي بالنداء على علاء مبارك قائلاً، المتهم «عباس محمد حسني السيد مبارك» الأمر الذي أثار ضحك الحضور بالمحكمة، بما فيهم علاء مبارك نفسه، وقد أثارت هذه الحادثة ردود فعل ساخرة في مواقع التواصل الاجتماعي:
- القاضى أمس كان مهزوز ومرتيك بدليل أسم علاء مبارك أصبح عباس مبارك والتأجيل إلى 8يونيو2012 يعنى التأجيل للعام الماضى (فيلم أبى فوق الشجرة )
- المتهم علاء حسني مبارك نطق القاضي اسمه عباس حسني مبارك فذُهل الحاضرون وابتسموا وابتسم علاء طرائف محاكمة مبارك
- وقال عباس على علاء مبارك وكانت بيقرأ بتعسر وعلى فكره معظم قضاة مصر لو لاحظنا فى اجتماعتهم كان بيقراو أيات القرأن غلط كمان
- عباس السيد مبارك يثير ضحكات الرئيس السابق ويخرجه من أحزانه داخل القفص وهيئة المحكمة تعتذر عن الخطأ فى اسم علاء مبارك
- القاضى طالع مش عارف حيحاكم مين..ويقولك عباس محمد حسنى مبارك تصدق يا قاضى؟؟ علاء مبارك له حق يضحك؟؟
- اسمك ايه ؟ .. عباس و بيدلعونى بيقولولى علاء
- عباس محمد حسنى مبارك ههههههههههههه اول مره اعرف ان علاء مبارك اسمه عباس
- عباس محمد السيد حسني مبارك . القاضي في المحكمه بدل ما يقول علاء قال عباس. مبارك وعلاء وجمال كانو هيمتو من الضحك علي القاضي
- في زمن اشتهر فيه الصعاليك واصبحوا حكام القاضي ينادي علي علاء مبارك ب عباس مبارك
- علاء مبارك طلع اسمة عباس وعباس متأخر عالجامعة وواخدها جررررررررررررى
- هيا بقا العادي ف مصر التهيس اما القاضي يقول ع عﻻء مبارك ....عباس يبقا حسين استحمل ألشو و منطقش
- القاضى انهارده فى محاكمة مبارك بدل ما مايقول علاء محمد حسنى قال عباس محمد حسنى مبارك :)) اه والمصحف هو الصراحة يدى على عباس :))
- عباس محمد حسنى السيد مبارك يعنى مش كفاية علاء و جمال,,,كمان طلع فيه عباس !!!
- القاضي يخطئ في اسم علاء ويناديه بـ«عباس مبارك» قضاء شامخ وكمان أمي؟؟؟ الاتنين مع بعض؟ وبعدين هو القاضي ده عايش في لا لا لاند؟ مين عباس ده؟
- علاء مبارك بقي اسمه عباااااس القاضي هو اللي سماه كدا بدل مايقول علاء قال عباس حلو برضو الاسم ده لايق عليه
- القاضي لو مش عارف الفرق بين علاء مبارك و عباس مبارك يبقي أكيد مش عارف ان دي قضية القرن ...
- علاء مبارك بعد ماالقاضى غلط فى اسمه وقال عباس مبارك ... ضحك ضحك... واثق من البراءة
- القاضي بيقول أن أوراق القضية تجاوزت ال ٥٥ ألف ورقة وأنه درسها بعناية ، وفي افتتاح الجلسة غلط في اسم ( عباس مبارك ) سورى قصدي ( علاء مبارك )
- القاضي قالك المتهم عباس مبارك بدل علاء مبارك الظريف بقي لو كان عباس قالك حاضر يا فندي
- بالرغم ان عباس اسم ماشي مع علاء انما ده معناه ان القاضي مش عارف المتهم الأول كان شغال ايه - ديه قالبه فاصوليا بالبطارخ
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
