تعرض قناة الحافظ اول مسلسل اسلامي بدون نساء على شاشتها فى رمضان 2013 المسلسل من اخراج وجدى العربى وتأليف السيد السعيد ولم يتم الافصاح عن الفنانين المشاركين فى المسلسل حتى الآن وقد أثار هذا الخبر موجة من الجدل والتعليقات الساخرة في موقع التواصل الاجتماعي تويتر:
- أول مسلسل بدون نساء على قناة الحافظ إخراج وجدي العربي هي الناس دي مشكلتها ايه مع المرأة بجد نفسي أفهم ؟؟
- تعرض قناه الحافظ فى رمضان القادم اول مسلسل بدون نساء اخراج وجدى العربى وتاليف السيد السعيد هى دى النهضة يارجاله وهنسيب هيفا لمين
- مسلسل اسلامى على قناه الحافظ ليس به نساء أليست هذه دعوة صريحه للشذوذ الجنسي
- اول مسلسل بدون نساء على قناة الحافظ في رمضان .. اكيد اللي حيقوم بدور الزوجة محمود شعبان بتاع "هاتولي راجل
- يااااااااه أخيراً هيعملوا مسلسل إسلامى بدون نساء على قناة الحافظ !! يكاد قلبى يشخر من الفرحه.
- مسلسل إسلامي بدون نساء على قناة الحافظ ! عشان الستات أصلاً حرام! بدعة مستحدثة من بدع آخر الزمان!!
- أول مسلسل بدون نساء على قناة الحافظ إخراج وجدي العربي .. يا واد يا جامد ..ايوا كدا انشر ثقافتك وابداعك وريهم ان عندك عمق وفكر وبديل لكل حاجة
- طب سؤال رفيع لما قناة الحافظ حتنتج مسلسل لرمضان الممثلين فيه رجال فقط حيضمنوا ازاي ان المشاهدين حيكونوا رجال فقط عشان درء الفتنة؟
- بيقولوا في مسلسل الحافظ الستات الحلوين طالعين على شكل وردة بلدي والأشرار على شكل صبار وبيقولوا الرجالة "المثيرين" هيتحط على وشهم هالة ضوء
- بيقولك ياسيدى أول مسلسل بدون نساء على «الحافظ» فى رمضان من اخراج وجدى العربى .. طبعا المسلسل هيكون اسمة قوم لوط
- طبعا السكريبت بتاع مسلسل قناة (الحافظ مش فاهم )هيكون فيه ادوار نسائية بس هيقوم بيها رجال مش كده باعتبار ان كل ابطاله من الرجال صوح؟
- مسلسل قناة الحافظ كل ابطاله من الرجال طيب بالنسبة للفرجة للرجال فقط برده ؟هو مش فيه حاجة اسمها غض البصر للستات برده يا قناة الحافظ مش فاهم !
- والناس هتسيب 100 مسلسل و50 برنامج وهتابع مسلسل ع الحافظ هههه "هاتووولي قنبلة نووية "
- عايز اعرف سبب واحد ليه الناس بتتريق على مسلسل قناة الحافظ اللي رجالة بس ؟ مش هي دي الحرية !! استقيموا يرحمكم الله :) هنتريق بعد ما يتعرض :)
- ردا على مسلسل قناة الحافظ الخالى من النساء, شركة السبكى تعلن عن انتاج مسلسل جديد يقوم ببطولته 120 راقصة والبطولة لأوكا واورتيجا
- أول مسلسل بدون نساء على قناة «الحافظ» فى رمضان طب تخيلوا انتوا نسبة مشاهدة المسلسل بالمقارنة بالمسلسل بتاع هيفاء وهبي
- معلش اعذرونى مش فاهمه.. قناة الحافظ دى مش قناه دينيه.. مش المسلسلات دى الهاء عن ذكر الله ولا هو مسلسل دينى
- اذا صحيح ان قناة الحافظ هتذيع مسلسل في رمضان بدون نساء...فللأسف لا زال امامنا الكثير لنعي ونفهم
- قناة الحافظ هتذيع في رمضان اول مسلسل بدون نساء هما الستات انقرضوا ولا حاجه ولايمكن يجيبوا الستات ع هيئة نور ابيض ولا سحابه ؟
- في خبر ان قناة الحافظ عاملة مسلسل مفيهوش ستات هو الخبر مش مظبوط هم هيجيبوا هيفاء وهبي وهتمثل عادي بس هيحطوا علي وشها وردة
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
