احتفل شيوخ الصوفية يوم امس الاثنين في مصر بمولد السيدة زينب حفيدة المصطفى صلى الله علية وكان من ضمن المشاركين فى هذه الاحتفال الحاشد الالاف من أبنا الطرق الصوفية بجمهورية مصر العربية ومن دول العالم الاسلامى. رغم قيام بعض التيارات الاسلامية في وقت سابق باصدار فتوى لمنع الاحتفال بمولد السيدة زينب وغيره من موالد ال البيت رضوان الله عليهم، وفي موقع تويتر انشأ المغردون المصريون هاشتاغ للاحتفال بالمولد بطريقتهم الخاصة وتضمن الهاشتاغ العديد من التعليقات المتضارية:
- انهارده اهالى السيده لو شافوا اى خروف اخوانى هيعملوا معاه الجلاشه و السلميه و كل حاجه نفسهم فيها
- ليه منروحش ندعوا الناس اللي هناك للتوحيد ونفهمهم إن اللي بيعملوه ده كفر وبدعة ؟
- هل النبي عليه الصلاة والسلام احتفل بمولده وهل آل البيت احتفلوا بمولد النبي وهل الصحابه احتفلوا بمولد النبي وهل نحن نتبعهم؟
- كل سنة وانتم طيبين ، النهاردة يوم مفترج والجو جميل والواحد ممكن يدعي دعوتين علي الصبح حلوين
- موجوعين اوي من ان الناس تروح تدعي علي مرسي وجماعته في مولد السيدة زينب طيب بركاتك ياطاهرة بركاتك
- هههههههههههه سلفيين ايه اللي يهددو المولد؟ طب يجربوا كده يعدوا من الشارع اللي جنب المولد
- فرق كبير بين اننا بنحتفل ب مولد السيدة زينب دى احتفالية من عادتنا و اننا بنطلب منها حاجة دى كفر
- نصيحة لكل الناس محدش يقول مدد يا رسول الله او مدد يا اى حد حتى لو من ال البيت لان المدد و العون لا يكون الا من الله
- طول عمر المصريين بيحتفلوا ب مولد السيدة زينب وغيرها من الموالد الجهل هوشوية البركة اللي احنا ماشين بيها دلوقتي موتوا بغيظكم
- إحترام اهل البيت و معرفة مقامهم واجب ،بس هاش مولد السيدة زينب معمول للعند فى الاخوان و السلفيين ، بس خد بالك يا حمار لتكون بتزايد على دينك
- في هذه الموالد تقع الكثير من التصرفات المشينة كإختلاط الرجال بالنساء والرقص والغناء على أصوات المادحين
- اول مرة تحصل الضجة دي علي المولد ، الناس مصممة تمسك في دينها الصح عنداً في التطرف ، شكل المسيحيين كمان هاينزلوا يحتفلوا
- هو انتوا بتسموا الهرج والغناء الدروشه تقرب الى الله؟ دا على انهي اساس ان شاء الله
- عندما يُحتفل بميلاد السيدة زينب فأننا نستذكر مثال المرأة المسلمة القوية الشخصية لكن بكامل حشمتها وأنوثتها..نستذكر قدوة.
- دا انتوا هتشوفوا ايام ,ساعة بس أما ربنا يقولك ليه أشركت معي غيري وتطلب المدد من غيري ...ابقوا قولوا كنا بنغيظ في السلفيين
- مخدش يرجع يقول ان الاخوان و السلفيين هما الي بيكرهوا الناس في الدين .. شوفوا بيحصل ايه في الموالد وبعدين اتكلموا
- كده مافرقتوش عن السلفين حاجه...مدح تقديس وتوسل لافراد وحرمة النقد ليهم .... تحت اسم السلف او اهل البيت :-(
- بعيدا عن اي شئ والرغي الكتير المولد مرتبط بطفولتي لانى قضتها فى السيده زينب وعشان كده لازم اروح النهارده واقول حاااييييي
- أرفض مظاهر الشرك وأرفض الابتذال الذى يحدث فى الموالد لكن انا مع حب آل البيت واسترجاع سيرهما طوال العام
- فيييه ايه؟؟!! طول عمر المصريين بيروحو المولد وبيحبوه.. دة اتعمل عليه كمان الليلة الكبيرة للعظيم سيد مكاوى .. وهابية عفنة !
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
