انتشرت على مدار السنوات الماضية عبر شبكة الإنترنت وفي العديد من وسائل الإعلام شائعة تقول أن العالم سينتهي في 21-12-2012!! وكلما اقتربنا من هذا التاريخ كلما زادت وتيرة هذه الإشاعات للدرجة التي اعتدنا فيها مشاهدة الأفلام والكتب والروايات التي تتحدث عن هذه النهاية الوشيكة للعالم! م عدد من المغردين وفي موقع التواصل الاجتماعي تويتر قام عدد من المغردين بانشاء هاشتاغ #قبل_نهاية_العالم يكتب كل مغرد ماذا يتمنى قبل نهاية العالم:
@MeroOoMaroo نفسي ألاقي شغل محترم من غير واسطة ولا كوسة معتمد على الكفاءة مش أكتر
@Modybasha نفسي نمنع بيع السجاير للعيال الصغيرة ، و اي كشك يتقفش بيبيع لواحد اقل من 18 سنة يدفع غرامة محترمة
@HaniaaMahmooud قبل نهاية عالمى انا الشخصى نفسى اشوف فلسطين متحررة و الدول الاسلامية متحدة من تانى تحت راية واحدة
@east_sizar نفسى اتجوز واقول للناس اللى ما اتجوزتش يابختكو اشمعنه الناس كلها بتقولهالى وبيبقى نفسى افجرهم هههههه
@NehalEid نفسي أعمل شعري كيرلي وأمشي في الشارع ناكشاه، وألبس لبس بسيط ومريح وشنطة باك باك وأحط السماعات في وداني وأتجول في الشوارع
@habibayoussef1 نفسي الالقي البرادعي طالع في التليفزيون و مكتوب: البرادعي يؤدي اليمين .. هاااار اسود يا جدعان !!
@ahmedfahmyy اروح البوسنه و الششان والله نفسي اروح البلدين دول جدااااااااااااااااااااا والقدس كمان
- هكون ضمن المعسكرات والكتائب اللي حررت الاقصى واكون عملت حاجة غيرت في حاجات الناس ولو حاجة بسيطة :)
@Adhaam_H نفسى كل ولد اخد بنطلون اخته عشان يلبسه يرجعهولها تانى و يحترم نفسه بقى.
@MustafaSalama12 نفسي أشوف مصر في كأس العالم
@Modybasha الاقي صناديق زبالة في الشارع كل 200 متر مثلا ، وفيها طفاية سجاير من فوق زي اللي في بور سعيد
@springawy نفسي أخطب وأتجوز بنت تحبنى وأحبها ونعيش مع بعض كل لحظة رومانسية شوفتها ف فيلم أو مسلسل أو سمعت عنها بين العشاق :)
@sama7aziz نفسى ارى مسلما ويهوديا يحلم احدهما للاخر بحياة هنيئة لا ننتظر يوما توشى فيه الاشجار بمن يحتمى بها.ويقلع احدهما اشجار الاخر
@m_gh10 لازم نبطل نتفرج علي مسلسلات تركي
@rebel_poet نفس مشفش فى مصر فقر ولا جهل ولا مرض...نفس اشوف مصر قويه متحضرة اشوفها احلى من تركيا وفرنسا والمانيا
@MohdKmL نفسي اليهود يرجعوا مذلولين تاني و تنتهي دولة اسرائيل
@salmy_gami نفسي تبقي عندنا زرة كرامة ونقدر الدماء التي تسال بدم بارد في بلادنا العربية ونقف وقفةجادة بلاش شجب ادانة استنكار
@Reemalnaggar نفسى اى ولد يشوف بنت بتتعاكس يدافع عنها حتى لو متقربلوش او مش محجبه او لبسها مش محترم من وجهة نظره :)
@HossamKamal89.......مبارك يموت بقى عشان نشوف هيتعمل له جنازه عسكريه ولا لا
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
