تداول نشطاء موقع التواصل الاجتماعي "تويتر" فيديو يتحدث به رئيس مجلس الوزراء المصري الدكتور هشام قنديل، مع عدد من الإعلامين، وأثناء حديثه تحول من الاجابة عن المواطن حماده صابر بعدم دفعه الكهرباء الى اصابة الاطفال الرضع في سوهاج بالاسهال بسبب عدم اهتمام امهاتهم بنظافة "صدرهم" الشخصية قبل ارضاعهن، ثم اضاف وهناك يذهب الرجال للمسجد والنساء يتعرضن للاغتصاب! مما جعله عرضة للسخرية خصوصا حين قال " انا مش عارف بس متأكد" لتبدأ التعليقات الساخرة تنهال عليه، وقد انشأ احد المغردين هاشتاغ سؤال لـ هشام قنديل لطرح أسئلة عليه في الصحة والأسرة من باب السخرية:
@BESSOPINKY ياريت السيد رئيس الوزراء يجى على نفسه شوية ويطلع بكره فى دقيقتين كده يقول لنا طريقة عمل المحشى
@kindhoopoe هو انت يابني رئيس حكومة .. ولا حلاق صحة ، الحق مش عليك.. احنا اللي نستاهل ان امثالكم من الجهلة يحكمونا و "الهطل" يحكمونا !
@Jacooshady سألوا هشام قنديل ايهما افضل النظام الراسمالي ام النظام الأشتراكي فأجاب بكل ثقة مفيش زى لبن الأم
@RadwaOsama2011 واضح ان امنية حياتك كنت تبقى الست الحكيمة زى كريمة مختار فى اعلانات محلول الجفاف ذنبنا ايه حضرتك تطلعه قرف على اهالينا ؟!!
@eslamel48512146 في المؤتمر الصحفي رد رئيس وزراء مصر هشام قنديل على المشكلة الاقتصادية التي تضرب في مصر:لبن السرسوب وبنظافة ثدي الفلاحة!!
@WNofal ماتعرفش حد كويس وبيفهم يمسك رئاسة الوزارة في مصر؟ حاكم ربنا ابتلانا بمذيع في برنامج "لكي يا سيدتي"!!
@HadiiAdel ايه دخل حماده فى الكهربا فى الميه فى الغيطان والاغتصاب على الرضاعه ؟ اه انا منصور ابنى .. هو قالك ايه انت ولا عملك ايه
@habibaa010010 متى سيطرح في السوق كتاب رئيس الوزراء الجديد نضف مراتك يا عبدالعال وامنع عن ابنك الاسهال
@Mos3oraby نفهم من توجهاتك دي إننا ممكن نشوفك قريب في إعلانات تنظيم الأسرة الجماعة بتوع اللَّوْلَوْ، ونسمعك بتقول:حاجة ببلاش كِدِي ؟؟
@YomnaNaguib كل الفترة دي كنا ظالمين قنديل ومتهمينه انه رئيس وزراء فاشل والغلبان طلع كل آماله انه يقلد ماما كريمة مختار ويوعينا!
@El7alaby ،،، كده بقي عندنا خط سماح انور للدردشة وخط هشام قنديل للعناية بصحة طفلك
@mahaatout1 هل تعلم ان الصحف و الإذاعات العالمية نقلت قذفك على الفلاحات المصريات الشريفات ؟
@OmaarHassan وهو بيقول "معرفش بس متاكد" بيفكرنى بيونس شلبى وهو بيقول "انا عارفها بس قولها تانى كدة" :D
@DalyaElSheikh1 بخبرة حضرتك اللي واضح انها عميقة في الري تفتكر إيه أحسن أنواع الحليب الصناعي للرضع؟؟؟ لو مش عارف خليك متأكد وقول!؟
@hazemsherif في قصة حديث غسيل الصدر واغتصاب الفلاحات في الحقول..كل مافي الموضوع ان هشام قنديل أراد ان يظهر انه شعبوي وصايع ومرقع...فرشق!
@Eng_AymanMaher نشكر حضرتك على نصيحك الغالية اللي هاتمنع الاسهال من فلذاتنا بس تفتكر ايه احسن نوع بامبرز ممكن نستعمله احنا و اطفالنا
@NashwaHussien هو يعني "أنا معرفش بس أنا متأكد (حمادة مبيدفعش كهرباء)"؟ معرفش = لا علم لدي متأكد = موقن لا علم لدي عكس موقن إيه بقي؟
- الراجل ده محدش يكلمه .... هو كده وصل خلاص.... ودي نهاية كل خروف حب يعمل انه بيفهم
- ايه علاقة كل جملة وموضوع فتحه بالثانى ؟؟ده فتح 100 مشكلة على بعض !!!الاغرب ان فيه ناس بتدافع عن الهرتلة ديه وبتطالبنا اننا نقدره وناخذه جد ....
- يعنى كمان فاشل فى الامثله البيقولها لا حول ولا قوة الا بالله ده رئيس وزراء مش عارف بس متأكد !!!!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
