دشن عدد من المغردين المصريين هاشتاغ ساخر بعنوان "يبقى انت في مصر" يرصد أبرز ما يعانية المواطن المصري البسيط بطريقة ساخرة ومن أبرز التعليقات التي جاءت في الهاشتاغ:
@CatherineSolim1 لما تلاقى البنت حاطه الموبيل فى الطرحه ولافه راسها زى علبه الشوكولاتا وبتربط حجاب سبانيش مع ان مافيش حجاب فى اسبانيا
@MisrNor 12h لما تلاقي اكتر من 500 ياخد اعدام فى قتل واحد وواحد ياخد براءه فى قتل اكتر من 30 واحد
@GeorgeAshraf3 لما تلاقى صافيناز اشهر من مجدى يعقوب
@titopop2005 لما تلاقى أعلام مصر بترفف فى مدرجات الكورة و تانى يوم طوابير شباب على أبواب السفارات و زحمة على طلبات الهجرة !!
@AbdelazizOmar1 لما تلاقى الشباب كل اللى شاغل دماغه الحريم والمخدرات
@heroeltaib لما تلاقى واحد بيدعى يارب النور يقطع مرتين بس النهاردة
@OnlyTeefa لما الناس تسيب الاتوبيس الفاضى وتركب كلها فى الاتوبيس الزحمه.
@HitmanOmar25 لما سعد الصغير يبقى فنان.و توفيق عكاشة يبقى دكتور إعلامى.و عمر موسى بقا ثورجى
@stay_on_ur_own لما تلاقي نص الشعب ناصب ع شركات المحمول من الرصيد السلف
@aml_mostafaaa لو شفت بنت عامله الحجاب بكل الوان الطيف والي مش طيف وراسهاشبه اشارة المرور
@magdy_milan لما تلاقي العاهره سيدة مجتمع والمحترمه بيتقال عليها متخلفة
@zwtzwt14 لما ميهونش عليك تنام ولا تنزل من البيت لو الكهربا لسه موجوده مقطعتش
@dr_ahmed61 لما تلاقي حادثه و الناس نازله تتفرج مش تساعد
@HamsaMuhammed09 لما تسال حد ع حاجة ولا عنوان و ميقولش "معرفش" لازم يحور حتى لو مش فاهم انت بتقول ايه !
@wafaa_97 لما خريج صيدله يقعد ع القهوه واللي معاه دبلوم عايش دور الدوكتور في الصيدليه
@Ma7moud_3shour لما تلاقي واحد زي مرتضي منصور رئيس للزمالك
@moOofil لما قربت تطلع ع المعاش وانت لسة مشتغلتش اصلا
@M7mdElweishy لما يبقي اوسخ ناس في البلد بيدوسوا علي احسن ناس فيها
@Cuttey1Maioosh لما سوّاق التاكسي هو اللي يتأمّر وينقّي اذا كنت تركب معاه ولا لاء وكأنك هتركب ببلاش او على حساب أبوه مثلاً
@Dawsha_Kbera لما تكلم واحده بعد 5 دقايق تقولها "انا معجب بيكي"
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
