في ظل البطالة التي يعاني منها الشباب السعودي قام أحد المغرديين السعوديين بإنشاء هاشتاغ #في_السعودية_13مليون_أجنبي وذلك للتعليق على الوضع الذي يعيشه المواطن السعودي في ظل وجود هذا العدد من العمالة الوافدة والتي قد تؤثر بشكل او باخر على حياة المواطن السعودي:
@badrawyaldawiha ابغى اروح اجيب عامل ينظف ابغى اروح اجيب عامل يصلّح هذا رزقهم من الله لاننا مو حقين شغل وما اخذوا غير حقهم
@saudiwomanthink استنكار هالعدد الهائل ماهو استنكار لمجرد وجودهم ولا عنصرية.. بل هواستنكار لما وصلناله من اهمال وعشوائية وفوضى عمالة!
@3omriEnt خطأ الحكومة باستقطابهم بدون تخطيط وغلط وزيرالعمل الذي يصدرفيز بالملايين وغلط بعض الشباب السعودي اللي يرفض العمل
@Almoeather2 يقولون إستهلاك الماء والكهرباء الاعلى في العالم؟وليش الاسعار ترتفع؟ وليش الايجارات ترتفع؟ هي حرب استنزاف للمواطن
@Moha_Alawi الشعب السعودي شعب مترف ومخدوم، ترى ما حاله إذا خرج الأجنبي هل سيجدون عامل بناء سعودي، أو الحلاق أو عامل التنظيف ؟
@ALfayhan_khalid ليس لنا فضل هو رزق ساقه الله لهم ، ضربو في الارض وطلبو فضل الله ، ففتح الله لهم ، لكن تنام للظهر وتقول مالقيت شغل
@BAHA1312 يعني 13 مليون اجنبي ضرب 2400 رسوم شنو ما عارف الناتج 31 مليون و200 الف في السنة نكد عليكم مثلاً D:
@zarga20 لا بد انه في كثير من الاعمال نحتاج فيها الأجنبي ..لكن مو لها الدرجه،بلدنا صارت مسخره ياهووه
@Rajooo_10 يتغدء بمطعم هندي ويحلق عند تركي ومقاول مصري يبني البيت ويدق على بنقالي يصلح البزبوز ويجي يقول الأجانب اكلونا!
@MK_Mazroua والرسالة اللي توجه للمسؤول .. ترا العدد كثير مقارنة بعدد المواطنين !! نحاول نسوي كنترول الله يجزاكم خير .
@Dody606 تقدر تشتغل سباك او زبال او ميكانيكي او حمال او مقاول فكر وبعدين تعال قولي ليه 13مليون اجنبي وعلي راح يزيدو
@ghzzawi يعمرون الارض... يعملون بجد ليكسبوا رزقهم...وهم ايضا شماعة الفقر والبطاله ..
@ABO_YAZAN1 صراحه البلاء من عندنا نجيب هالعماله ونقول كلونا الأجانب متى يأتي يوم نعتمد فيه على أنفسنا في كل شي الشباب فيه خير
@mon4r_a وراح يزيدون دامنا ما نبي نشتغل ودام ثقافة العيب واحتقار الأعمال اليدوية والمهنيه موجود فينا !
@Hessah_Alarfaj للي متضايق تخيل البلد بدون خدم بدون عمال نظافة بدون عمال للبناء بدون سباكين بدون سواقين بدون حراس مباني وغيرهم
@BanderALSwayyed سبب وجودهم هو دعمهم للبعضهم البعض ,كل شخص يساعد بني جلدته وبعض السعوديين يستخدون الاجانب كردع حمايه لجاهلهم
@Alturki1111 لو قلنا متوسط راتب 2000 ريال* 13مليون يطلع 26 مليار نضربها في 12شهريطلع 312 مليارسنويا تطلع خارج البلاد يالهووووي
@aalmubarak88 على حسب تعداد السكان الحالي ٢٨.١ مليون ، يجب أن يعاد النظر وتحل مشكلة التهريب ولكن للأسف ماحولك أحد.
@Totee17 الموضوع مؤلم اكيد لـ اللي يعانون من البطاله وكذا وسلبيات تواجدهم ولكن هي ارزاق .. وفي السماء رزقكم وما توعدون
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
