هو: بدي اطلب بيتزا .. بدك اشي؟"
هي: "لا."
هو: اوكي
هي: ولا اقولك..
هو: شو.. بدك اطلبلك كمان؟
هي: مش عارفة
هو: مستغربا: مش عارفة اذا بدك اشي
هي: بصراحة لا
هو: هوه انت جوعانة ولا لا
هي: يعني
هو: شو يعني.. يعني
هي: يعني معناها مش متاكدة اذا كنت جوعانة ام لا
هو متفلسفا: "الواحد لما يكون جوعان بيعرف
هي متذاكية: "مهو يمكن اجوع بعدين
هو: "معناها اطلب لك بيتزا
هي: طيب و اذا ما كنت جوعانه وقتها..؟
هو: ما تاكلي."
هي: بس هيك بيكون تبذير
هو: بتاكليها بكرة
هي: و اذا ما كان الي نفس آكل بيتزا بكرة؟
هو: هاي ما بدها نفس .. الواحد بيقدر ياكل البيتزا كل يوم
هي: انا لا .. ما باكل بيتزا الا لما يكون عندي نفس للبيتزا
هو: معناها بطلب لك اشي تاني
هي: بس انا ما بدي اشي تاني
هو: يعني من الاخر، بدك بيتزا
هي: لا
هو: يعني ما بدك اشي
هي: امبلى
هو معصبا: جننتي سماي شو بدك
هي: خلص اطلب لحالك
هو: طيب
هيبعد قليل والزوج يهم بالاتصال: بس اطلب بيتزا بالتونا
هو: وشو رايك اني ما بحب التونا
هي: بس انا بحبها
هو: هو انا بدي اطلب الي و لا الك
هي: الك طبعا.
هو: طيب و ليش بالتونا...؟
هي: يمكن اجوع لما يوصل الاكل
هو: و شو يعني؟
هي: بالله؟ شو يعني فكرك آكل اشي ما بيعجبني؟
هو: ليش هو انتي بدك تاكلي؟
هي: ليش لا ؟
هو: يا مثبت العقل و الدين .. هسه انا لازم اطلب بيتزا الي , عشان انتي تاكليها اذا كنتي جوعانه؟؟
هي: بالضبط
هو: و انا شو بدي آكل؟
هي: مهو يمكن ما أكون جوعانة
وبعد اتمام هذه المحادثة محكمة الجنايات قررت الافراج عن الزوج المتهم بتهمة "قتل الزوجة مع سبق الاصرار و الترصد" و تحويل القضية الى "قتل الزوجة دفاعا عن النفس".
