حديث ذو شجون في ليلة العرس..

تاريخ النشر: 10 سبتمبر 2005 - 08:46 GMT

رجعت قبل قليل من حفل زفاف اقيم في احدى الصالات..

الحفل كان غير مختلط ما اثار حديث ذو شجون.

قال صديقي الدكتور لصديقه والد العروس: يا زلمه شو اللي رماك هل رميه.. معقول؟! عرس غير مختلط.

قال له وهو يخشى ان يسمعه ذوي العريس: هيك بدهم اهل العريس.

عاد صديقي الدكتور للقول: بصراحة العرس غير المختلط تخلف.. الله يعينك على نسايبك.

قال صديقي والد العروس: الله بعين..

تابع الدكتور: انا لا افهم كيف يكون عرس بدون فرح للجميع.. بعدين يا اخي انت متحضر. وتعرف ان العرس المختلط تتم فيه فرحة جميع الاقارب. مش النسوان يجوا يرقصوا ويهيصوا واحنا قاعدين هون زي الحزانى..

والد العروس: والله قلتلهم.. انه كل واحد بيجي مع مرته.. وانا ما في حدا غريب، الاقارب والجيران والاصدقاء..

الدكتور وهو يشعل سيجاره الكوهيبا: طيب

والد العروس: ما قبلوا.. قالوا علشان النسوان "تتزلط" وتاخذ راحتها بالرقص.

الدكتور: ويقعد الزلام يطلعوا ببعضهم البعض.. بتعرف بليبيا بيفهموا..

والد العروس: ليش؟

الدكتور: لان النسوان بترقص لحالها والرجال قاعدين يلعبوا "كوتشينة".. حتى الكوتشينا هون مستكترينها علينا. بس نضل نطلع "بزقوم" بعض.

والد العروس: بهاي معك حق.. بس انت شايف، ما بنقدرش. عاداتنا غير.

الدكتور: تيجي نروح على ليبيا..؟!

والد العروس: يلا.. ما انا كمان زهقان.. شو مفكر انت؟ وفاقعة معاي. شايف ابني سامر (سامر عمره 8 سنوات) بعته ينادي اخت العروس.. رفضوا يدخلوه.

الدكتور ضاحكا: ليش حاسبينه زلمه..!؟

والد العروس: اه..

الدكتور: وانت ما بطلعلك تدخل؟