ابن مسؤول مهم أخذ سيارة أبوه وراح يشحط فيها.. فجأة اصطدم براكب دراجة. نزل صاحب الدراجة وصار يسب على ابن المسؤول من فوق.. لتحت. قال ابن المسؤول: أنت ليش معصب خذ هل رقم ودق عليه واحنا بنصحلك.
قال سائق الدراجة: شو وبدك تضحك علي كمان..؟
قال الشاب: لا .. ما بضحك عليك، جرب واحكي.
بالفعل اتصل صاحبنا من هاتفه الخلوي بالرقم الذي اعطاه اياه ابن المسؤول. وما أن رد حتى بلش يسب: ابنك حيوان.. ابنك صدمني بسيارته وما معوش رخصة.. شو هل تربية. انتوا ما بتعرفوا تربوا.. الخ. الخ.
رد عليه صوت اجش بهدوء: أنت بتعرف مين أنا؟.
قال سائق الدراجة: لا..
قال الصوت: أنا فلان الفلاني..
انصدم سائق الدراجة وقال مسارعا: بتعرف مين انا..؟
قال الصوت: لا..
قال: الحمد لله. وسكر الخط والتفت للشاب وقال له: ببوس كندرتك ما تقول لابوك رقم دراجتي.
