تفسر مدونة جيجي والعالم ما جرى في ميدان التحرير ليلة أمس وهو ما دعاه البعض "بموقعة البالون" أو "مجزرة مسرح البالون" بالتباطؤ في تحقيق العدالة ومحاسبة المسؤولين عن الفساد في مصر:
"هو فى شهادات اكتر من كده
اكتر من اللى شفناه فى التليفزيون وعلى النت وشهادات العيان اللى حكااها المعتقلين واللى حكاها اللى كانوا موجودين ف ميدان التحرير
بجد حرام عليكم
حرام على كل اوحد سايب مبارك فى شرم والله العظيم حرام ومايرضيش ربنا
وام الشهيد ولا المصاب ازاى ممكن تسامحكم
حرام بجد اللى بتعملوه ده
اللى حصل فى التحرير امبارح انتوا السبب فيه لسببين الاول زي ماقلت تاخير المحاكمات والتانى متعلق بيه وان كل واحد فى بورتو طره فى عشرين تابع ليه بيكلمه وهو من جوه السجن واللى حصل النهارده يااكد".
وتبدي شمس النهار عدم اقتناعها بالسيناريو المفترض الذي يقال أنه أدى لأحداث ميدان التحرير:
"بحس في الفديوهات اللي جاية من التحرير ان دي غزة فرع التحرير
ليه العنف الشديد ده يعني ايه تضرب متظاهر بالمنظر ده
ونرجع بقا للفيلم من الاولجمعية(مع العلم ان جميع الجمعيات الاهلية والخيرية والتعاونية كانت تتبع المدام سوزان)
تحب تكرم اهالي الشهداء في مسرح البالون مااعرفش باقي اهالي الشهداء عرفوا منين راحوا مأجرين تلات اوتوبيسات وياله هيلا بيلا علي مسرح البلون اشمعنا احنا يحاولوا يدخلوا الامن ماارضاش ليه مش عارفة
المهم يروحوا هوووووبا داخلين المسرح ومكسرين الدنيا بالعصيان اللي معاهم
(لطاف اوي اهالي الشهداء اللي رايحين عايزين يتكرموا ومعاهم عصيان دول)
وبعد كده يلموا نفسهم هيلا بيلا تاني ورايحين علي الداخلية عدل
ويضربوا الشرطة هناك".
أما محمد فيحذر من الانسياق لموجة الغضب دون محاولة فهم ما يجري في ميدان التحرير فعلا:
"فياريت صحابي الملحدين والاخوان والسلفيين والعلمانيين والمسيحيين والوسطيين ينزلوا معانا من غير تعصب وكفايه الضرب اللي حصل
انا بكره ام الداخليه صحيح وشايفهم كلاب ولاد كلاب بيدخلوا نظاف في الكليه ويطلعوا نجسين وده رايي فيهم كلهم مافيش حد منهم مستثني
لكن مش لازم ننساق زي مالمجلس االعسكري بعت لنا من شويه
اوعوا تنساقوا ياجماعه اوعوا".
ونختم بمدونة مش عارفه بس نفسي آعرف حيث توكد آن الميدان دائما على حق بقولها:
"الأشراف في الميدان مش البلطجية
يا أهالينا خلوا عندكم وعي وضموا لينا".
هل أنت مدون أو مدونة؟ إذا كنت كذلك أرسل لنا برابط مدونتك الآن على العنوان التالي:(blogs@corp.albawaba.com) لتشملها جولتنا في المدونات.
