فرضت إمارة منطقة الرياض عقوبات صارمة بحق من يتورط في معاكسات بأسواق العاصمة السعودية الرياض؛ وذلك بعد شهر من قرار السماح للشباب بدخول المراكز التجارية،فقد وجه أمير منطقة الرياض الأمير سطام بن عبدالعزيز، الجهات المعـنية بإيقاع عقوبة السجن 5 أيام بحق من تثبـت عليـه تهـمة المعاكسة في الأسواق التجارية للمرة الأولى، وتشديد العقوبة على من يضبط مرة ثانية بالتهمة نفسها بالسجن 35 يوماً وإحالته للقضاء الشرعي لإيقاع العقوبة المناسبة بحقه.ولاقى هذا القرار صداه بين أوساط مستخدمي موقع التواصل الاجتماعي تويتر فقاموا بإنشاء هاشتاغ #عقوبة_المعاكسين:
@enas1988 مفروض تصير ياخذون جواله مدة أسبوع ولا يقفلونه أنوااااااااع الفضايح هههههههههههههههه
@Abrar221 حلوه ذي تفتحون لهم المجال وتقولوا لاتعاكسون واهم مو متعودين! وافلق نفسي اذا تطبق
@M7mad_24 اعتقد لو المره الاولى تكون غرامه .. وبعدين ايقاف يوم وغرامه .. والثالثه بكيفكم مع تشهير
@hana1mohammed هذا قرار على ورق والزامي صحيح ، لكن لاجينا للتطبيق اذا صار معه واسطه يعفى عنه وطبعاً بدون شك بيتمادى ، مااستفدنا شي!
@samirfifi من الأمور المستحدثة معاكسة البنات للشباب أو التصنع لهم ليقوم الشباب بمعاكستهم فياليت تكون هناك عقوبة لهن
@ve_nl لازم الشرشحة يعني ؟؟ مافي احد يقدر يتحكم في أعصابو ويصير محترم وبني آدم من غير فرض عقوبات ؟!
@Go0rey ترى مو دايم الشباب هم الي يعاكسون ترى فيه بنات هن الي يتبلن بعض الشباب !وياما شفت بنات في مولات يتحرشن بالشباب
@MashaelSh اشوف ان التشهير و دفع مبلغ مثلا ألف ريال أحسن من السجن! إذا عادها ينسجن أسبوع
@Q_W_BnTalal_P ياناس يابشر أنتو مشكلتكم ماهي في الأنظمة والعقوبات أنتو مشكلتكم في تنفيذ العقوبات بالعربي بياكلها الضعيف
@wfh83 نسوا ان يستثنوا اصحاب الواسطات من العقوبة. اقضوا على الواسطة بعدين قرروا العقوبات
@fhad330 بكره تجيك وحده بالمول تقولك هات ٥٠٠ والا بصرخ ويسجنونك ٣٥ يوم خخخخخخخخخ انواع الابتزاز
@M22H بداية جيده لمعاقبة الشاب او الشابه..فالمنع سابقا كانت فكره تافهة..فلماذا يعاقبون المحترمين بخطأ الجهلاء
@calm_the ..< الفتاه خادشة الحياء تحتاج لعقوبه ايضآ ..؛ يجب الا يقتصرالحكم على الشباب فحسب
@MOH_AlQahtani ، طيب ليش تخلونهم يدخلون من الاساس المولات ، ما كن عندنا الا هالسالفه .. عاقبو نهابة الشعب اول ، بعدها نشوف حل للمشبكجي ..
@Gnan88 يطلعون قرارات من راسهم بدون دراسه والخسران هو الشاب طيب المفروض قبل مايطلعون قرار دخول الشباب يحطون ضوابط يدرسون الوضع
@sultan_hn من المفترض تطبيقها حتى على البنات لأن الشباب مايتحرش اللي اذا رائ شي يفتنه واتمنى عقوبة المعاكسين الجلد في موقع الحدث.
@OmarLiberal لا داعي للعقوبة المعاكسة مجرد تعبير عن حالات الكيت الذي يعيشها المجتمع يجب في البداية معالجة حالات الكبت
@Shy5hS3od ياساتر عليكم ياناس خلو هالضعوف تغازل وتمارس مراهقتها، حرام الكبت،كانوا يتغزلوا بالنساء وهن يطوفن٠ وانتم حاسدينهم عالاسواق
@IbnNashwan قرار جميل جدا لكنه ناقص فكما هناك شباب معاكسين هناك فتيات هنّ أساس الفتنة ربما هناك تفصيلات لم تذكر عن الجانب الآخر
@alakrish اللحين اي وحده مايعجبها احد تروح لأمن السوق وتشتكي انه يعاكسها! مادري مايشوفون البنات وش يسوون؟ يعاقبون الشباب بس
@Nfolya90 أجل يقولون الغلط على البنت ليه تتبرج، عذر أقبح من ذنب، طيب لو مافي قفل على المحلات بتسرق ؟
@ALN3IM مافيه دخان من غير نار ومافيه معاكسه من دون إغراء الرجل يُفتن منذ القدم بسحر المرأه لاتَسحُرُو ولن تُرقّمو
شاركنا برأيك في التعليقات: ما رأيك في قرار فرض عقوبة الحبس على كل من يتورط في معاكسات بأسواق العاصمة السعودية الرياض؟
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
