بعد السحل والعنف الذي تعرضت له عدة فتيات متظاهرات في مصر، خرجت مسيرة شعبية حاشدة للتنديد بهذا الفعل، تشاركنا ستيتة شعورها حيال هذه المظاهرة:
"أجمل كلمة سمعتها من شباب الثوار
مسمهاش بنت القصر العيني
مسمهاش البنت اللي اتعرت
مسمهاش البنت اللي إتسحلت
إسمها مصر
شباب الثورة سماها مصر
ورسمها مستورة بعلم مصر وترقص حولها شياطين عارية
اللهم إني أشهدك أني أحب شباب ثورة مصر المحروسة".
وتتابع:
"ربنا يبعت لنا ضي
النهاردة مسيرة كبيرة بها نساء حرائر ورجال أحرار ومصر لسه حية ترزق
فخورة ببنات بلدي
اللي قالوا لا من الأول
واللي قالوها النهاردة".
أما رحاب، فتكتب عن مشاركتها الفعلية في المظاهرة النسائية:
"لسة راجعة من واحدة من أجمل المسيرات اللي مشيت فيها من أول الثورة…
سميها زي ما تسميها… مسيرة سيدات مصر… مسيرة البنت اللي عرت المجلس… في النهاية هي مسيرة شرف في وجه عديمي الشرف… وهي في إعتقادي صفعة على وجه مجلس العار اللي حاول يخوف النساء من النزول ببهدلتهن وسحلهن وإهانتهن باللفظ والفعل، فكان الرد أكبر مسيرة نسائية تشهدها مصر من أيام سعد باشا…
أكتر من عشرة آلاف سيدة في طوق عملاق من الرجال الشرفاء اللي عندهم نخوة محيط بيهم و بيحميهم في مسيرة لفت من التحرير لطلعت حرب لشارع رمسيس مرورا بنقابة الصحفيين وقصر النيل وعودة مرة تانية للميدان…
زي ما حسام عيد كتب على تويتر:'اليوم تسجل 'نون' النسوة انتصاراً أمام 'شرف'العسكرية… لم عارك يا مجلس العرر'".
وتضيف منتقدة بيان المجلس العسكري:
"وآل إمبارح عامليين مؤتمر عاااار زيهم وماكلفوش خاطرهم لحظة يجيبوا سيرة التعدي على السيدات… والنهاردة طالع في بيان يأسف لما حدث لسيدات مصر… يأسف على إيه ولا إيه ولا إييييه؟!".
وتختتم رحاب:
"بنات مصر وسيداتها خط أحمر يا أنصاف الرجال…
ويسقط يسقط حكم العسكر".
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
بنات مصر خط أحمر
