تويتر: أدي اللي خدناه من الثورة… تامر حسني عمل مسلسل عنها

منشور 18 كانون الثّاني / يناير 2012 - 02:48
 تامر حسني و"أدي اللي خدناه من الثورة".
تامر حسني و"أدي اللي خدناه من الثورة".

مع اقتراب يوم 25 يناير "ذكرى انطلاق الثورة المصرية" أطلق مغردو موقع التواصل الاجتماعي "تويتر" هاشتاغ AdyElyKhadnahMnElthawra# (أدي اللي خدناه من الثورة) ليكتب كل منهم وجهة نظره عن الفائدة التي جناها من الثورة على المستوى الشخصي والعام:
‏"@amr3ssam:   إلغاء التوقيت الصيفي
‏@grendizr: ماما طلع إسمها مصر مش سوزان  
‏@doaa_elbialy: عرفت ناس كتير على حقيقتها على المستوى العام ،، والشخصى كمان ،، ثورة اسقاط الماسكات
‏@kalam_eskndrany: حسيت انى اقدر اغير الدنيا كلها للاحسن و ان ده ممكن يحصل مش وهم فى دماغى و خلاص
‏@izohdy: الناس عرفت بعض.. أروح حفلة أو اجتماع الاقي حد اقوله أنا شفتك فين قبل كده.. الإجابة.. التحرير
‏@FadelSoliman: إكتشفت إن كلام أبي غلط لما علمني إنه عيب الرجل يخرج بالبيجاما و رئيسنا السابق رايح جاي بيها قدام العالم
‏@AhlyDody: عرفت ان صحابى شوية عيال فرافير ومش قد انهم ينزلوا مظاهرة
‏@GhadeerAhmed_: يا مصر لو مات من عيالك الف، لسه في مليون مستعدين يموتوا، بس انتى تعيشي عيشة كريمة   
‏@halaabdelrazek: طلع عندنا شباب زي الفل، مكناش عرفناهم لولا اللجان الشعبية
‏@EnjyAaziz: ظهرت شخصيات كوميديه جديدة .. زبايدر .. عوكاشه ..
‏@menahsaied: اكتشفت ان الناس حلوة اوي بس الفساد في الحكم اللي كان مغطي حلاوتها واننا بنحب بعض بس خايفين
‏@DaliaAbdelhamid: ان ستات مصر جدعين اوى وجامدين ومش سيس وفى راى لسه مطلعوش كل الى عندهم فى الثوره دى.. المرة الجاية بقى
‏@assaf1983: بتكلم في التليفون من غير خوف,وبشارك في فعاليات كتير بدون خوف من ملاحقه,بتكلم عن أحلامي في العلن..بإختصار بقيت حر!
‏@Said_Abdellatif: العالم كله عرف قيمة ورقي وسلمية المصري فى مطالبته بحقوقه وزاد احترامهم للمصري بعد ماكانوا فاكرينه عديم الكرامة لسكوته
‏@yassminehassan: الشعب اللى كانت بتفرقه عصاية بقا بيجري على الرصاص بصدر مفتوح ....الخوف مات و هما مش عارفين يتعاملوا مع الحقيقة دى
‏@HebaOsama225: موجه كوميدي بقت بتعمل استفتائات مرة علي رئيس الجمهورية ومرة علي سيناريو يناير الجاي .. المشكلة ان في ناس بيصوتوا
‏@ElsiRAttaR: الاخوان مابقتشي محظوره ..الحزب الوطني هو اللي محظور  
‏@islamgaper: عرفت الى فى حجات كتير تستاهل ازعل عليها اكتر من الزعل ان مصر موصلتش كاس العالم
‏@Nassar_Ahmed: اني اشوف بعينى شهيد وهو رايح على الجنة..وأمه تزغرط و تبكي فى نفس اللحظة
‏@Ekramyy: ممكن دلوقتي المح في عيون كتير من بتوع الداخلية ..انهم ومن جواهم عايزين يبقاوا كويسيين
‏@amaalehab: تامر حسني عمل مسلسل عن الثورة وأمه طلعت ف المسلسل عفاف شعيب
‏@RashaOlama: أنه أخيراً يشعر أحد بالفقراء والمهمشين في هذا البلد. الفقراء أولاً! الفقراء أولاً! الفقراء أولاً!".

لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.

مواضيع ممكن أن تعجبك