"احنا جيل خلد اسمه فى صفحات التاريخ"، هذا ما يقوله الجيل الحالي "جيل الثورات" عن نفسه وذلك من خﻻل هاشتاغ قام بإنشائه المغردون على موقع التواصل الاجتماعي التويتر #E7naGeel يستعرضون به ما يميز هذا الجيل الثوري عن غيره ومن أهم هذه التعليقات:
@ranaelbatrawy و هو صغير كان بيلعب عسكر وحراميه ولما كبر قلبت بجد
@Magui_Nakhla إحنا الجيل آليانت اختارته و بروحك أنت اقمته عشان يصنع تاريخ ، دعتنا ليك من قلب الضلمة للنور و المجد واخدنا ، جيلنا عايش ليك
@mohammedpek قضى على كلمة ابعد عن الشر وغنيلة .. وطلع كلمة دور على الشر وطلع ميتينة
@j_fayez مالحقش يهني الشرطة بعيدها وخلاها تِعِيِد الثورة كل سنة
@nourahaddad بيغير صورة البروفايل على الفيس بوك والافاتار على تويتر لكلمة "حداد" كل اسبوعين :/
@EhabElsharkawy اللي اتوضى وصلى جو الكنيسه ونزل احتفل براس السنه في التحرير وولع شمع على أرواح الشهداء وسمع أغاني صوفيه وترانيم
@yousrhammad الى كان فاكر ان البلد دى مكان عايش فيه فاكتشف انه وطن عايش فينا
@QueenNeferteti تلاقي الواحد نص عيلته راسماليين وطبقيين والنص التاني ضباط جيش وشرطة وهو يطلع يساري اشتراكي ثوري :) جيل عجيب فعلاً
@bayou7_ احنا الجيل اللى عمل من ميدان التحرير مكان للتحرير بجد
@7usfahmy جيل غتت ، جيل عنيد ، جيل خرج على النظام ، جيل اسقطه و بيغيره بدمه و أيده و كلمته و قلبه
@AmirMoeSoliman شباب في العشرينات و حياتنا بين مسيرة و مظاهرة و مشرحة و جنازة و اشتباكات و كر و فر و غاز و خرطوش !!
@iMinaJo نصه مات بالفعل و النص التانى ميت بس اسمه عايش
@BilAlDiAb الجوع الأزمة والطريق الصعب , والضرب ببوز الجزمة وبسن الكعب ، واحنا الصوت ساعة ماتحب الدنيا سكوت
@MahmoudEl_Rawy احنا الجيل اللى ثار بعد انتخابات مزورة وبيفكر يحل اول برلمان عملة فى ظل الثورة لانة مش عاجبة
@merfatelashry احنا اللي هنعمل العصيان المدني و الباقي هيتفرج علينا
@xBarakaTx احنا جيل بيكتب وصيته و بقى الموت اقرب له من حاجات تانية كتير
@A7mdAnwar بطل يمشى جمب الحيط .. بل بالعكس هدم الحيطه وكسرها ومشى فوقها . ونادى مين يقدر ساعه يحبس حريتى ؟. !
@AhmedAbdoallah المسيحى فينا بيحط أيات قرأنيه للتضامن مع أخواته اللى ماتوا غدر
@iMinaJo لا يصلح للزواج بعد كل اللى شفناه
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
