تويتر مصر: ذكريات ما قبل الثورة

منشور 12 كانون الثّاني / يناير 2012 - 10:54
ثورة مصر.
ثورة مصر.

أيام تفصل مصر عن ذكرى مرور عام على الثورة المصرية التي اندلعت يوم 25 يناير 2011، ماذا يقول الشعب المصري عن اليوم السابق ليوم اندلاع الثورة؟ كيف كانت توقعاتهم عن الحشد وما هي تحضيراتهم له؟  أنشأ المغردون المصريون في موقع التواصل الاجتماعي  تويتر هاشتاغ Jan24Memos# ليتكلموا فيه عن اليوم الذي سبق يوم الثورة:
‏"@joe_sosta:  كنت مستسخف الفكرة جدا.. وقاعد أتريق على الناس اللي عاملة ثورة على فيسبوك.. واسأل عملتوا اتندينج ولا لأ
‏@Dina_Mohammad: عديت بالليل عند القائد عشان اشوف الاستعدادات و شوفت اعداد أمن مركزى مرعبة
‏@AbouRital: كنت بقول هترسى على علقة عند دار القضاء العالي
‏@OmarZydan: كان عدى 4 ايام على بداية ارتباطي بـ بنت و مكنتش فاضي للثورة.. كنت عمال احب
‏@Manshy_007: كنت بكلم صحابي عشان نجهز باراشوطات وشماريخ عشان لو الامن المركزي غدر بينا، وقد كان  
‏@Amira_Nosseir: عياطت بالهبل عشان بابا ماكنش موافق اني أروح "الثورة" بعد الامتحان، قالي (أنا عمري قلتلك على مظاهرة لأ؟ دي بقى بلاش)
‏@Manshy_007: كان فيه ظابط امن مركزي كنا ضاربينه في ماتش منتخب السويس والداخلية وكنت قلقان من إنه يشوفني في المظاهرة عشان كنت تافف عليه
‏@LuluDeRaven: ركبت الطيارة وجيت مصر وكتبت في كرت الوصول الغرض من الزيارة "أخر" وماحددتش السبب.. ماكانش مكتوب المشاركة في مظاهرات 25 يناير
‏@NadaAbdrabou: مكنتش مقتنعة ان هايحصل حاجة أصلا غير حاجة بسيطة كده شبه الاعتصامات و الاضرابات اللي كنا متعودين عليها وقتها
‏@mlnahas: كنت مقتنع إني نازل اجيب راس مبارك ولولا كده مكنتش نزلت
‏@ahmtmstfa: كولو اتخانق مع حد في اليوم ده لنفس السبب - مصر مش زي تونس
‏@3am_Mina: اعتراف: فيديو أسماء محفوظ كان بيحمسنى جدا و كنت متفائل بيه جدا و كانت بالنسبالى من رموز الثوره و الشباب الطاهر الى نزل 25 بجد
‏@Bad_Way:  ناس كتير كانت بتقول إحنا مش بتوع مظاهرات ،، كنت بقوللهم طيب توعدوني لو الموضوع زاد عن مظاهرة وبقى أكتر من يوم تنزلوا ؟ ‏
‏@3bdoozz: كان الايمان بفكرة التغيير بيزيد لحظة بعد لحظة وسقوط اول شهيد في السويس كان له اثر الصاعقه علينا وزود التحدى اكتر
‏@Kareem_afndy: راهنت واحد صاحبي اننا هنشيل مبارك واللي معاه وهنحاكمهم و قد كان بس الصراحة مكنتش مصدق قوي وانا بقول كدة
‏@hemadorra: انا كنت بره مصر و كنت فاكرها هتنتهى زى اى وقفه من وقفات خالد سعيد .. ماقتنعتش انه ثورة الا لما اتقطع النت و شبكات المحمول
‏@3mmarsharaf:  قلت لامي اني رايح بكره عند صاحبي وهأخر قالت لي اوعى تكون رايح المظاهرات قلتلها: انت عارفه عني كده برده!
‏@salomest: بقول لأمى يوم 25 يناير إحتمال يبقى فى مظاهرات قالت لى : زى كل مره هترجع مضروب ومعدوم العافيه وبعدين فيس بوك ايه ده بلاش لعب عيال
‏@egyptionawy: اليوم ده كان فشيخ قوي,أول ما قعدنا كنا 3 وقعدنا ف قهوة جنب محكمة دمنهور وفضلنا نتكلم وكنت بصراحة قلقان بس صديقي كااان قلبه جامد
‏@RokaElshety: أرخم حاجة مكونتش بفتح نت كتير عشان الإمتحانات ومشوفتش فيديوهات الدعوات ولا حاجة ، كنت بشوف صور البروفايلات عليها 25 بتزيد  
‏@AmrKhairi: كان اللي بيروح مظاهرة بيسيب محفظته ومفاتيحه وياخد البطاقة بس عشان لما يتقبض عليه".

لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.

مواضيع ممكن أن تعجبك