نعم للمحاكمات العسكرية "لكل شاب بعاكس بنت في الشارع وللبنات إلي بتسمح بكدة" طالب المغردون المصريون على موقع التواصل الاجتماعي "التويتر" بمحاكمات عسكرية، لكن هذه المطالبات لم تتعدى كونها تعليقات ساخرة مثل انتقاد المعاكسات، وانتقاد بعض التصرفات اليومية التي يرونها غير صحيحة، تحت هاشتاغ يحمل اسم #MilTrailsTo كتب المغردون تعليقاتهم الساخرة ومن أبرز التعليقات:
@OusaMix الولاد اللي بيعاكسوا و البنات اللي بتسمحلهم بكدة
@tamermadi سواقين التاكسيات الي مركبين كلاكس عالي ومزعج
@el_ne3na3y أي حد بيكتب كلمه "نقطه" في أخر أي تويته مهمه . نقطه.
@doaa_nabil_3 للى بيروح الفرح علشان يدور على عروسه و العكس صحيح
@Mema_A7med للعيال اللى بتشتم بالانجليزى عشان العربى عييب مهى كده كده شتيمه يا امامير
@karimmostafa_ اللي يكلمك علي تليفون البيت ويقولك انتا فين
@OusaMix اللي بيتكلم في الموبايل في المواصلات بصوت عالي
@MandooLachine الراجل اللى بيقطع على النواب صوت المايك فى مجلس الشعب
@Bilvag0r نعم للمحاكمات العسكرية.. لسواقين الميكروباص اللي بيقفوا ساعة علي الموقف يحملوا - ويأخروني عن الشغل
@Christine_karmy نعم للمحاكمات العسكرية للبنت اللى معاها شنطة قد الشوال و بردو ماسكة الموبايل ف ايديها
@Mostafenio الناس اللى بتفتح شباك الميكروباص على آخره فى عز البرد
@Hadeezz اي واحد بيعمل لايك للحاجات اللي هو كاتبها ع الفيس بوك
@Etshhh للمهندسين اللي كاتبين eng في أي نيك نيم على النت وكذلك الدكاترة بتوع dr
@JuventinoHafez اللي تحس ان الفولورز مش بيزيدوا تحط افاتار يجيب فولورز .. حاكموها هي واللي بيعملها فولو عشان افاتارها
@EsmyDody لاي حد يقول ايه اللي نزل بنت المظاهرات
@Elmonshedy الى بيبوصوا على عدد الفلورز قبل مايرودو على المنشن
@Rubiz_Mohamed لمصور الى بيصور الناس فى البطايق ومطلع نص الشعب عاهات
@EsraaGhitany كل واحد فاكر عكاشه دمه خفيف وعبيط وغلبان و بيعمل شير لفيديوهاته عشان يضكك #أتفووووو
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
