أثار الرجل الذي كان يقف وراء عمر سليمان نائب المصري وقت إعلانه عن تنحي الرئيس مبارك حيرة العديدين مما دفع البعض لإنشاء مجموعة في بوك باسم " الراجل اللى ورا عمر سليمان"، نقتبس هنا من مدونة العجيب بعض النكات والتعليقات التي تخص البحث عن هوية هذا الرجل.
تعرف المدونة بهذا الرجل:
" كثير منا لاحظ الرجل الذي كان يقف خلف عمر سليمان في خطاب تنحي مبارك عن السلطة , حيث كانت تعابير وجهه شديد العبوس ملفتة للنظر" .
وتتوالى التعليقات:
"عمر سليمان لوكالة الانباء الفرنسيه : محدش شاف الراجل اللى كان ورايا ؟ اصل خلصت الكلمتين ملقيتش المحفظه وانا معرفوش اساسا
نداء الى جميع الشرفاء والمسؤلين والغير المسؤلين أى حد فى البلد يطلع ويقولنا مين الراجل اللى ورا عمر سليمان دا
عاجل : تجميد أرصدة الراجل اللي ورا عمر سليمان".
وفي نكتة أخرى:
" أشهر 3 حاجات في مصر:
-النيل
- الاهرامات
- الراجل اللي وراء عمر سليمان".
وتحتوي المدونة أيضا على مجموعة متنوعة من الصور تظهر الرجل الواقف وراء عمر سليمان في العديد من المواقف الحاسمة والمصيرية، كما ويظهر على شعار صفحة جوجل أيضا!!
طغت الثورة المصرية على يوم الفالنتين أو عيد الحب لهذا العام، فمن مصر تتنازل بسكوته عن حقها في العيد لهذه السنة:
" متنازلة عن حقي في عيد الحب ... متنازلة عنه ونفسي يروح الحب ده
لقلوب الناس الوحشين القاسيين الشريرين ... اللي لسة مش عارفين يحبوا مصر ازاي
اللي لسة قادرين يتجاهلوا الحب اللي نور مصر ... وبيحبوا نفسهم اكتر
ولسة قادرين يسرقوا وينهبوا ويخربوا ويروعوا الآمنين ... ويجيوا على حق بعض ويزعلوا بعض
بسأل نفسي هم ازاي كدة؟؟؟ ... ازاي بيتجاهلوا ولادة روح جديدة محتاجة كل حد في البلد دي يطبطب عليها
اللي لسة الحب مطهرش فيهم شيء ... عاوزة اقولهم ياللي بتحبوا نفسكوا اوي كدة
اتعلموا تحبوا بعض وتحبوا مصر".
