انتشرت شائعات تفيد وقوع الفنان المصري أحمد العوضي بالحب، بعد انفصاله عن زوجته السابقة الفنانة ياسمين عبدالعزيز، رغم تأكيده في أكثر من مقابلة أنها حب حياته الأبدي.
أحمد العوضي ينفي وقوعه في الحب
ونفى العوضي الشائعات المتداولة مؤكدًا أن تركيزه في الوقت الحالي منصب على أعماله الفنية لا أكثر، ولفت إلى أن وقوعه في الحب مجددًا ليس بالأمر السهل على الإطلاق.
وأضاف الغوضي، خلال حلوله ضيفًا في برنامج "Mirror": "لا وقته ولا مكانه ولا ينفع دلوقتي، القلب ده مش بزرار، يوم ما هيبقى فيه حاجة في حياة أحمد، أحمد هيقول، مش محتاج حد يقول مكاني، مش محتاج حد يجتهد مكاني، ولا يتوقع مكاني متجتهدش لما يبقى فيه حاجة هقول".
أحمد العوضي ورأيه بالمساكنة
وعن رأيه بالمساكنة، أكَّد العوضي رفضه لهذه الفكرة بالمطلق واصفًا إياها من "الكبائر"، وأشار إلى أن الدين المسيحي والإسلامي يرفضها بشكل قاطع، وقال: "دي بالبلدي اسمها رفق مش مساكنة..المساكنة حرام ومن الكبائر، إني أعيش مع ست تحت سقف واحد واحنا مش متجوزين بنجرب بعض، لا الدين الإسلامي ولا المسيحية قالتلي كدة، المساكنة فعل ضد الدين تمامًا قولًا واحدًا".
وهاجم العوضي كل من يؤيد الفكرة، مستهجنًا ردود أفعالهم حول هذا الشيء سواء امرأة أو رجل، وطالب بعدم المجاهرة بالمعصية.
وقال العوضي: "أنا مافهمش إزاي حد يطلع يقول المساكنة حاجة كويسة سواء راجل أو ست ويقولك جربت، جربت إيه يا عم؟!، كل أمتي معافى إلا المجاهرين، كلنا بنغلط لكن مينفعش نجهر بالمعصية، ربنا سترك وأنت تفضح نفسك!، مفيش حاجة اسمها مساكنة هي اسمها رفق بالبلدي من الآخر".
وطالب العوضي بعدم استخدام مصطلحات من أجل تجميل الفكرة وجعلها مستساغة ومقبولة لجى الآخرين.
وقال: "متجملش الكلام وتقولي أجرب.. جرب أنت يا عم أنا مالي!، واحد بيشرب بينه وبين ربنا متجيش تقولي جربت الشرب والشرب حلو.. أنت بتقول ايه، قول أنا بشرب وخلاص سيب الحكم للناس وربنا يحاسبك، لكن متحللش الشرب والحرام".
