عبر إحدى صفحات الفيسبوك والمنسوبة للفنان الشاب أحمد صلاح السعدني انتشر تعليق يُظهر انتقاد الفنان المصري مشاركة زملائه الفنانين في حملة "علشان تبنيها" والتي يطالبون من خلالها الرئيس المصري الحالي عبدالفتاح السيسي بفترة حكم جديدة حيث كتب السعدني الصغير قائلًا: " اترددت كتير قبل ما اكتب بصراحه كنت خايف بس مش قادر افهم ايه حملة عشان تبنيها دي مهو كده كده حيرشح نفسه و اللي عايزه كان يروح ينتخب من سكات مش فاهم هو احنا لازم نطبل و خلاص حتي من غير ميتطلب مننا مبنتعلمش من اللي فات و لو يا ريس انت مصدق يبقي مفيش فايده اقولك علي حاجه تفكرك اخترناه و بايعناه بس كده".
مواضيع ذات صلة:
حقيقة علاقة أحمد السعدني و ريهام حجاج
إلا ان هذه التعليقات والآراء المختلفة دفعت السعدني للرد على كل الضجة التي أُثيرت حوله عبر منشور آخر كتب فيه:
" شاهد احمد السعدني يهاجم السيسي !!!!!
عشرات التليفونات لمداخلات في برامج......
سبحان الله..... معلش حطول عليكم شويه
بدأت كلامي اللي انتشر انتشار ڤيرس الايدز اول ما ظهر بإني خايف ... يا تري خايف من ايه ؟؟؟
خايف اولاً علي مشاعر زمايلي لإني اكيد بحبهم فخفت اضايقهم او يزعلوا مني
تاني حاجه خفت منها بصراحه اننا معندناش حرية رأي مع الاسف... بتنتقد تبقي عميل بتشيد تبقي مستفيد... مفيش حل وسط لازم يلونوك.... مينفعش تبقي واحد عادي السياسه اخر همه اساساً بس لما بيحس حاجه بيقولها عاجباه او مش عاجباه عادي يعني .....
فبما ان كلامي ده لا يرضي الساده المسئولين اكيد فخفت يحسبوني اخوان ولا قابض و الاقي نفسي عاطل او مسجون او مطلعنلي فضيحه (ما كلنا بنغلط) و هوب ابقي اتدمرت عشان قلت مش عاجبني..
معني اللي كتبته للي مفهموش ببساطه...
علي اساس يعني ان الشعب عمل ثوره ٢٥ يناير لاحساسه بالقهر و الفقر و اليأس...
فقرر يثور عشان نبقي زي بقية خلق الله.....
بما في ذلك انتخابات منصب الرئيس
هما في امريكا يعني قالوا لترامب والنبي تعالي ابنيها لا خالص ... هو اللي طلع عينه عشان يقنع الناس تنتخبه
رئيس الجمهوريه موظف بيجتهد انه يعمل مشروع لاربع سنين يقنع الناس بيه مش العكس
المفروض اننا فهمنا خلاص اننا مش لازم خالص نغني للريس و لا نسقفله بعد كل كلمه بالعكس المفروض يكون في معارضه (محترمه) و اكتر من مرشح (محترم) لمنصب الرئيس
ده لمصلحتنا كلنا و اللي عايز ينتخب اي حد ينتخبه بحرية
و كل اللي قلته للريس ان اكيد ده المفروض يكون واضح
بالنسباله ....
و كمان ان زمان الناس البسيطة كانت بتتاثر باغنية
للعبقري عمار الشريعي اللي هو نفسه الله يرحمه تبرأ منها قبل ميموت
فمش عشان شافوا كام ممثل و لعيب كوره بيمضوا حيعملوا زيهم يعني بالعكس ده ممكن يجيب نتيجه عكسيه
انا طولت في الكلام بس انا لا بطل و لا عميل انا واحد عادي جداً قال كلمة حاسسها غلط صح هو كده و حقول اللي انا عايزه... لان ده الطبيعي
شكراً
احمد السعدني
المزيد من المواضيع:
