تحرص الفنانة المعتزلة ريهام أيمن على مشاركة محبيها بعض تفاصيل حياتها، ليطالب جمهورها بنشرها صورة واضحة لابنها "رمزي" تظهر فيها ملامحه لترد ريهام أيمن بقوة.
حيث نشرت ريهام أيمن صورة ظهرت فيها مع زوجها شريف رمزي وابنهما الوحيد، ولم يظهر وجه الطفل، وعلقت ريهام على الصور بتعليق قوي حيث قالت "هو أنا بطلب أشوف ولاد أي حد فيكو أو ولاد أي مشاهير حتى! أكيد لأ، عشان مش من حقي، لما تحب فنان انت بتحبه هو لفنه و أعماله اللي بتشوفها ولما تحب تشوف صور هتبقى ليه هو، مش لولاده أنا ابني مش فنان ولا مشهور عشان تحبو تشوفو صور ليه على صفحتي أنا.. لما يكبر وهو ياخد قرار إنه عايز يبقي مشهور هتشوفوا صور ليه على صفحته الشخصية إن شاء الله، لكن أنا مبخفش من الحسد ومفيش حد هيحسد فنان بيحبه بالعكس هيفرحله ويتمنى له الخير هو وولاده وده اللي أنا متأكدة منه، ياريت وانت بتكتب تعليق لأي فنان حط نفسك مكانه الأول هتلاقي إن انت نفسك متقبلش حد يقولك تعمل إيه ومتعملش إيه في حياتك الشخصية بمعنى أدق الغير فنية، وإن ده الأكونت بتاعك إنت تنزل اللي انت عاوزه طالما مش بتضر حد واللي مش عاجبه حاجة أو مستفز من شئ بسيطة بس يعمل unfollow أسهل من إنه يكتب تعليق، ربنا يخليلكو ولادكو اللي أكيد كلهم حلوين أوي ويحفظهم لكم دايماً من كل شر ويشفي كل الأطفال المرضى ويعين أهاليهم أمين يا رب... مع حبي واحترامي للجميع".
