قام سعد الشاطر نجل القيادي البارز بجماعة الإخوان المسلمين خيرت الشاطر بالرد على الاعلامي باسم يوسف بفيديو يحمل اسم “البرنامج مش برنامج” من تصميم أحد خبراء المونتاج واسمه عز عبد الرؤوف.وفي الفيديو يشرح عبد الرؤوف كيف يقوم باسم يوسف بقلب الحقائق واجتزائها اعتمادا على القص واللصق، للإيحاء بمعان أخرى، وتوجيه الرأي العام وجهة معينة تخدم أغراضه. وفي نهاية الفيديو يطلب عز من باسم يوسف أن يتحرى الدقة فيما ينقل ويتأكد من شرعية سخريته من الآخرين. وجاءت التعليقات على الفيديو بعد تحميله على اليوتيوب:
- الله ينور عليك كده فعلا باسم يوسف بيستخدم السخرية وليست التريقة ياريتهم يفهموا بقى
- دا ع كدة بقى باسم ماكنشى موجود ف البرنامج وممكن يكون مش باسم انتا عبيط ياض !!
- بكفي ان الراجل قال انا فبركت الفيديو مش زي باسم يوسف
- العيب إنكو تلموا فلوس من الغلابة و محدش يعرف حاجة عنها بعد كده يا حرامية يا تجار الدين
- فيديو مسعد انور اللي انت عرضته بياكد مصداقية باسم اكتر اصلا و ان الكلام سياقه هو هو اللي بيكلم فيه باسم.. ايه العبط ده !
- رجل سخيف وبرنامج اسخف ... وباسم يوسف بالرغم من اخطاءه يمكن كتير بس والله بيفضح وبيكشف اشكال كتير
- ما هى لما كانت السخريه من الفلول كنتوا بتقعدوا تضحكوا وكنتوا مع السخريه !!! ولما كان بيهزق المجلس العسكرى كنتوا مع السخريه !! دلوقتى بقا كخه
- ربنا يبارك في حضرتك يا استاذ عز و ياريت مزيد من هذا العمل علشان نوقع هذا الا باسم و الا يوسف في شر اعماله فالعين بالعين و البادي اظلم و اقترح نعمل صفحه باسمه و نشير فيها اعمال تحرجه مع محبيه و اعوانه وايضا الاقباط و القساوسه الخط الاحمر بالنسبه له
- طيب ما الشيخ قال نفس اللى جابو باسم مقطعش ولا عمل حاجة يعنى اهو انت بتلف وتدرو ليه عايز تفهمنا انك مونتير يعنى اهى وصلت شكرا ليك
- فيديو سخيف جداً وملوش اى لازمه ومش هوه ده إلى بيعمله باسم طبعا انت اقل ما توصف به انك جاهل لان باسم مش بيقطع فيديوهات بالأسلوب الجاهل اللى انت عملته ده هوه بيجيب فيديوهات حقيقيه وموجودة وبيعلق عليها
- بص يا استاذ الحته اللى جابهاباسم يوسف مش متفبركه و هوه قال ان الرئيس بالحيه و صحيح ان لحيته صغيره شويه يعنى مغيرش فى الكلام يبقى انت من الاخر بتحور و شكرا
- المشكله ان كل "عبده " باسم يوسف لا يسمعو ولايرون الا مايرد باسم ان يروه
- الله يبارك فيك كلام جميييل جدا اخيرا احد اتكلم بمنطق ياجماعه احنا مسلمين كفايه تريقه بالمشايخ الاستهزاء بههم واصطياد الاخطاء الله يهدينا ويهدي شباب المسلمين
- يقولولك باسم بيتريق و التريقه حرام من هنا و يقومو جايين قايلين باسم سوسته من هنا!
- هههههههه ولا هيأثر التشويه ف حاجة عفكرة .. فيه فرق بين التشوية والحقائق اللى باسم بيقدمها من فم الناس اللى بيدعوا انهم شيوخ .. فيه فرق كبير اوى ... ياريت الناس اللى عاوزة تشوهه هاتوا عنه حقائق بدل شغل المصاطب ده
- والله انت محترم جدا وأتمنى الاستمرار في كشف كذب هؤلاء المزورين للحقائق وربنا يعينك يارب
- والله برنس ياصاحب المقطع وهى دى فعلا حقيقة باسم يوسف قص ولزق ومخابيل بيضحكوا ع الفارغه والمليانه
- رجل محترم ورأي يحترم وكل اللي بيشتمك وبيترق عليك دول مهرتلين وبيحبوا الهرتلة والمهرتلين اللي زيهم الله يباركلك
- على فكره انت مسقط معلوومه انه البرنامج مش عامل كده عشان يضحك عليناا ..لانه كل متابعين البرنامج فاهمين ان الفيديوهات مش كامله بس بيوصل بيها بوينت للمشاهديين المثقفيين المتعلميين الفااهمييين يااجااهليين :D
- ممكن أقول حاجة للي حاطط الفيديو ده.. إنت مش فاهم حاجة يا أخ .. بجد مش فاهم أي حاجة بالمناسبة هو الكرتون ده اسمه ايه؟
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
