نشطاء يتضامنون مع "باسم يوسف" بعد اتهامه بازدراء الاسلام!

منشور 31 آذار / مارس 2013 - 01:13
الاعلامي باسم يوسف امام دار القضاء العالي
الاعلامي باسم يوسف امام دار القضاء العالي

وصل الاعلامي باسم يوسف الى دار القضاء العالي صباح اليوم الأحد، للتحقيق معه في اتهامه بإهانة الرئيس محمد مرسي وازدراء الدين الإسلامي وهو يرتدي القبعة الشهيرة التي ظهر بها في إحدى حلقاته تعليقًا على القبعة التي ارتداها الرئيس محمد مرسي، أثناء حصوله على الدكتوراه الفخرية في الفلسفة من باكستان. وقد شهد محيط المبنى ازدحام شديد بسبب توافد العديد من انصار الاعلامي باسم يوسف وقد تضامن ايضا في مواقع التواصل الاجتماعي العديد من نشطاء الانترنت معه ومن ابرز التعليقات المؤازرة له في موقع تويتر:


- حبس باسم يوسف إن صح وغيره في الدول العربية هو دليل أن السلطة تنشغل بمن ينتقدها دون محاولة إصلاح الإنتقاد ..!!

- اللي بيحصل مع باسم يوسف دلوقت هو هو نفس اللي حصل مع إبراهيم عيسي أيام نظام مبارك وفي الآخر الرئيس هيعفوا عن باسم وهنسمع من القطيع تكبيرررررر

- الهيصة على باسم يوسف مبالغ فيها ...لا زلت اكرر ...برنامج باسم يوسف يصب في مصلحة جماعة الاخوان....نقطة

- هل يفعل باسم يوسف ما يفعل إلا من الحرية التى منحها إياه #مرسى ؟؟؟ لو كان مبارك لما تجرأ على مجرد ذكر علا هيفضل القط قط والأسد أسد

- تلخيص المعارضة في شخص باسم يوسف "اللي في نظر البسطاء تافه و اهبل و قليل الادب"...بيقضي على فكرة الثورة على مرسي....

- تضامنكوا مع باسم يوسف ولا حاجة علي تويتر مش هيأثر يعني! إنزلوا من بيتكوا!

- كل تويتر الصبح بقى بيتكلم على باسم يوسف واللوك اللي ظهر بيه والوقتي كله بيتكلم عليه عشان حذف التويتات اللي كتبها لما كان ف التحقيقات

- انا مش قلقانة علي باسم يوسف خالص ع فكرة ، أنا قلقانة ع النائب العام

- باسم يوسف يمسح التويتس عادي مش أول واحد يعملها، بس ميستهبلش ويقول ده مش كلامي وأنا مقولتش كدا، عيب يا باسم :)

- تضامنى مع باسم يوسف ليس كرها فى الاخوان فقط بل لإقتناعى وإيمانى بما يقدمه من حقائق ويكشف الوجه الأخر لجامعة الاخوان المسلمين

- بالرغم من انى متضامنه مع باسم يوسف و كل حاجة بس حاجة تضايق ان الناس تهيج عشانه و تسيب الدم و الناس اللى ماتت عادى

- تهمة ازدراء الأديان اللى موجهه لـ باسم يوسف قد تكون صحيحه.الناس دى بتعتبر اللى بيعملوه هو دينها.واجبنا احنا نوضح ان مش ده الاسلام

- اتضامن مع الاعلامي الموهوب باسم يوسف ضد محمد مرسي الذي حرك اتباعه لمقاضاة باسم بتهمة إهانة الرئيس .لن ينجح مكتب الارشاد في تكميم الأفواه"

- رغم أني رافض وكاره لأسلوب باسم يوسف تماما من كل الجوانب لكن أرفض حبسه

- بصراحه كل الى بيحصل مع باسم يوسف دا نفسنه لانه اخد نسبه مشاهده اعلى من خطابات الرئيس مرسى (والله وعملوها الرجاله )

- لماذا يحاكم باسم يوسف؟ .. عندما تقول للفاشل "انت فاشل" وللكاذب "أنت كاذب" هذه ليست إهانة ولكنها إقرار واقع يجب ألا يعاقب عليه القانون

- الله ينكد على ابوكو .. باسم يوسف الحاجة الوحيدة اللي بتخلينا نضحك في الهم اللي انتوا معيشينا فيه . جاتكم الهم والقرف..

- احنا كلنا لازم يتعملنا ضبط واحضار لان الكلام اللي قاله باسم يوسف في البرنامج هو نفس الكلام اللي كل مصر بتقوله في البيت والشارع ... :)

- اللي يقول لك باسم يوسف مش ضد الدين ده ضد المتاجرين بالدين قول له وطلعت عبد الله مش ضد الإبداع ده ضد تسمية السفالة إبداع

لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا

مواضيع ممكن أن تعجبك