أعلن نشطاء سياسيون مصريون على صفحات مواقع التواصل الاجتماعي حالة من الغضب والنفور، بعدما قام رجال الأمن المركزي بإزالة كافة رسومات "الجرافيتي" التي قام ثوار 25 يناير برسمها على جدران الشوارع، والتي كانت تحكي تفاصيل ثورتهم ويومياتها. ومن اهم تعليقات نشطاء موقع التواصل الاجتماعي تويتر التي جاءت على هذا الموضوع :
@GabrMido من مسح جرافتي لاخيه اتحط صورته في الجرافتي اللي بعديه
@ehab_sarhan عجبا لشعب زعلان علي مسح جرافتي (مع احترامي للجرافتي) عمره شهور وساكت علي سرقه جرافت عمره الاف السنين
@Brain_l_l_ ازاله جرافتي محمد محمود لا يعني محو الثوره فهي تمحي وتكره كل يوم من قلوب الناس كل الفضل لمشروع النهضه الذي ولاول مره يجبر شعب علي كره ثورته
@hani_O88 هيشيلوا جرافتي معنها مش معترفين بالثورة الجابت امثاله تحكم مصر وخرجت ناس كتير من السجون !!!!
@a7medevo شعب يعاني كافة انواع المشاكل ماظهر منها وما بطن , وشغال ينتفض عالتيملاين عشان مسح جرافتي على حيطان الشوارع..... محسسني ان ثورتنا ثورة فرنسية
@MohamedAbodief طيب لو مسحتو جرافتي محمد محمود، حتمسحو إزاي اللي جوة العقول موجود. تعليق صديق علي صورتي بجوار أحد جداريات الجرافيتي بمحمد محمود.
@ahmedhosni22 امسح جرافتي في الظلام .. وهز ديلك للنظام مهو مش غريب .. طول عمركوا عايشين كالعبيد
@Esp_0 والله الثورة ديه مكتوب ليها أنها تنتصر كل من نقول الثورة ماتت يطلع لنا حدث يصحيها فينا من جديد شكرا يالي أمرت بمسح جرافتي
@zekwaz احا يا جدعان ده ماكنش جرافتي يعني الي انتو عاملين عليه مناحه ... دانتو معملتوش كده ع الي ماتو
@YosraIbrahim كل ما يمسحوا الجرافتي .. بنحط جرافتي بيضحك اكتر ههههههههه احنا اصلا شعب مسخرة ^_^ ابداعنا مش بيقف
@Sue_A_AhMed مع احترامي للي زعلان ان "جرافيتي الشهداء " اتمسح من محمد محمود بس هو حد عمل جرافتي لشهداء أمناء الشرطة وشهداء رفح ؟ ولا دول مش شهداء ؟
@hasssank بتمسحو جرافتي محمد محمود،طب أهي إبتدت الدعوات تنتشر ف كل المحافظات وكل شوارع مصر هاتبقي محمد محمود،مش عارف محمد محمود حارقكم ف إيه !!
@monaatalah طيب الجرافتي اتمسح ,, مننزلش نعمل ثوره ,,الشهداء محفورين في قلوبنا مش محتاجين جرافتي , ويكفينا التاريخ شاهد.
@zahraa1983 العقلية اللي بتتعامل مع جرافتي محمد محمود على انه شخبطة على الحيط. هي نفسها اللي اتعاملت مع شهداء محمد محمود على انهم بلطجية ومخربين.
@semsema_soso مسح الجرافتي مش هيسكت صاحب الحق الغضبان ،ولا هيكمم صوت ثائر ورا القضبان ، مش جرافتي واحد هيخلينا نركع .. اصله مش من قلة الحيطان .
@aymangergess مش قادر يبص في وشهم مش عايز ضحكة مينا دانيال ولا طيبة الشيخ عماد عفت الشهداء مش جرافتي علي الجدران سيظلوا في القلوب والوجدان .ثورتنا مستمرة
@ALNAGAR95 اموت واعرف هما ليه شالوا الجرافيتي المرسوم على جدار محمد محمود ليه ؟؟؟ دي بتحكي اللي حصل . في جرافتي مرسوم على جدار برلين من ايام الحرب !!
@elninomoataz محاربة الفكر اصعب بكثير من محاربة الاشخاص .. جريمة الداخلية و هى ازالة كل جرافتي محمد محمود ده دليل على ضعفهم و عدم قدرتهم على تقبل حقيقتهم.
@EnasEss2002 المشكلة مش مشكلة جرافتي في حد ذاته ...المشكلة هو هيضرك فى ايه ! المشكلة مشكلة تاريخ! المشكلة أنك بدوس وبكل بجاحة على شعب عمل ثورة !!!!!
@moyasms ياريت الثوار يفهموا ان فيه ناس ضد الثورة علطول الخط ومحتاجه تنضف حيطانها م الرسومات او الجرافتي وده شئ ميزعلش ... تعالو نعمل جرافتي متحرك
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
