في خطاب الرئيس المصري محمد مرسي الذي القاه يوم الخميس للشعب المصري دعا الرئيس مرسي قوى المعارضة للحوار حول الإعلان الدستوري لمحاولة الوصول لحل للأزمة التي تمر بها مصر، ورفضت مجموعة كبيرة من المعارضة هذا الحوار وكتب العديد من رواد الانترنت المعارضين للحوار عن أسباب رفضهم قائلين:
@shatrani2 نتحاور مع من يظننا أشباح أو عملاء ممولين أو في أحسن الأحوال كفرة ملحدين...إزاي؟!
@KatyGamal لان مرسي كان ممكن يتحاور مع القوى السياسيه قبل ما تحصل مجزرة الاتحاديه وينزل مؤيديه يضربوا المعارضين
@Reham3ezzat لان مرسى مثله مثل مبارك بعد ما ينتهى الحوار سيقول انه فشل و سيفعل ما فى دماغه ويقول لنا موتوا بغيظكم ويخرج لسانه لنا
@saloumymohamed علشان الموضوع مبدأ من الاول و ما بنى على باطل فهو باطل ...يقرطسونا و بعدين يقولولنا تعالوا نتحاور
@nohaagaty لا حوار مع من أطلق جماعته لتسيل دماء المصريين بحجه الدين الذي لا يفقهون عنه شيئا ... الدين أخلاق و معاملات ليس قتل و سب
@Mo_abdo12 عشان هم مش عاوزين حوار هم عايزين يجروا الاسلامين للشارع عشان يحصل دم وتموت ناس طبعا هم مش حيكونوا من الناس دي
@M7maSayed حوار يعنى يفضل مكانة من غير محاسبة و المليشيات و شيوخ الفتنة بتوع جمعة الشرعية و الشريعة و الدم و السلاح كل ده حيعدى
@RodyHassan2 لان من يريد حوار لا يسلط علينا اعلانا دستوريا بقرارت محصنه ويضعه بمثابه سكينا علي رقابنا فمن اين ياتي الحوار اذن
@dalia_refaey عشان الأزمة تتحل والدنيا تهدى ومصر تشتغل وتنتج بقى وتدخل فى مصاف الدول المتقدمة لأ لأ لأ إنتوا بتحلموا ولا إيه ؟؟
@ahmed_moustafa5 ابناء المرشد طبعهم خائن ومصلحه الجماعه فوق أى شى وللأسف نحن الثوار ضدهم تماما فمن الطبيعى وجود حاله استنفار
@mohamed_khayri لأنة استدراج للمعارضين قدام الشعب كلة وبعدين هياطلعوا بنفس القرارات ويقولوا احنا اتفقنا عليها
@EngAbanoub نظرا لكل الكدب من الوعود قبل الانتخابات ولم ينفز منها شيئا واولها كان حل التأسيسيه وحكومه وطنيه
@tamer_saied لاننا بنلعب ثورة مابنلعبش سياسة وانت قولت انك جى تحقق مطالب الثورة ولا حقتت مطالب الثورة ولا عرفت تلعب سياسة
@EngAbanoub لأن مرسي الان بينا وبينه دم زي الدم اللي كان بينا وبين مبارك بالظبط واللي هيتفاوض معاه هيكون زي اللي اتفوض مع عمرسليمان
@kinzy25 لأنه اتعرض من مؤسسة اعلنت ان البقاء للأقوى ولم تلجأ للحوار الا بعد ان اكتشفت انها مش الأقوى..فظهر انحيازها للقوة مش للحق
@mohamedshahm لأنهم فصيل لا يسمعون و إذا سمعوا لا يفهمون و إذا فهموا لا يعقلون و إذا عقلوا لا يعملون و إذا عملوا يضربون.
@shatrani2 لان دول ناس عمرهم ما صدقو في كلامهم من اول اننا حنترشح علي 30% من مقاعد مجلس الشعب لحد مش ناويين يكون لينا مرشح للرياسة
@kamal_danial لأنك مش عارف بتحاور مين الجماعه ولا الريس ولا المرشد و لأن مرسي مندوب الجماعه في الرياسه مش في ايده حاجه
@AboJoly2009 لأنه جزء مكمل لحصار مرسي وجماعته لمصر كلها بعد محاصر القضاءوالإعلام عايز يحاصر السياسيين ويقعدهم يملي عليهم شروط المرشد
@kinzy25 لإن الحوار والإتفاق كان المفروض قبل تشكيل التأسيسه وليس بعد الإنتهاء من الدستور
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
