طرح ناشطون على موقع "فيسبوك" الفروق ما بين شباب هذا الجيب وشباب الجيل السابق، ويدخل الجيلان في مناقشات حادة حول الأفضلية بالجيل الذي ينتمي إليه كلٌ منهما.
فمع تطور وسائل الاتصال والانفتاح العام ينظر الجيل السابق إلى الحالي على أنه جيل منحل أخلاقياً ولا يحمل المسؤولية كما كان يحملها الجيل السابق، إلا أن شباب الألفية الثالثة دافعوا عن أنفسهم بأنهم أصبحوا أكثر معرفةً واتساعاً وثقافة ومسؤولية أيضاً وذلك بمحاولات التغيير التي يقومون بها في البلدان العربية، ليحاولوا بذلك القضاء على روح الهزيمة لدى الجيل السابق.
هذه بعض الآراء المتبادلة من الجيلين:
اياد العيساوي: يا سيدي انا عمري 40 سنه با98 في كان في شباب ورد وبنات ورد وبرضوو كان في شباب فاسد وخالع وكمان بنات من هالنوع اما بال 2015 برضو لليوم بشوف شباب زي الورد وبنات زي الورد بصراحه الاخلاق ما الها زمن بس يمكن هلا الدنيا اختلفت من ثورة الاتصالات وقوتها صار الوضع السئ يبين اكثر من الوصع الحسن واظن انو الي ورا الاننحطاط الي زاد عن اول شوي وسائل الاعلام الفاسده الي بتتبع نقل الخير السئ والتكتم عن ايجابيات
Ahmad Basha: صبايا 1998 همي شباب 2015و شباب ال 98 هم صبايا 2015
Malak Al Majali: بال 98 ما كانت الشباب تسعى ورا غرائزهم وشهواتهم الجنسية .. بال 98 كانت البنت أخلاق علم حياء .. أهم إشي كانت تنزل عالشارع وما تسمع حكي
Fatmeh Jaml: كنا نحكي عربي
Lana Alsmadi: انه الكل بحكي زمان ما كان فيه شباب عاطلين و بنات ما بعرف شو! لا مش صح هالحكي ابداً!!! اولاً ادم من اول ما انولد وهو ببحث عن غرائزوا الجنسيه ! هاد شي من الله هيك خلقهم بطبيعتهم يعني ، تانيا مش صح انه كل البنات كانوا مؤدبين لانه البنت بطبيعتها بتحب تستكشف كل شي و بتتقلب هرموناتها فهاد شي طبيعي يعني ما اله علاقه بالتاريخ! شو دخل العقل و التفكير والفطره بالتاريخ ! كله كمان برجع ع الاهل كيف عقليتهم و نسبه تحررهم فهمتوا ولا اعيد؟؟؟؟؟
Dawood Yawanseh: في كلمة جوهرية حكاها دكتورنا بالجامعة يوم الأربعاء الماضي , قال : كل جيل جديد بكون فيه فجوة كبيرة بينة وبين الجيل الأقدم منه .. من ناحية الاخلاق والتعامل والدين والعلم ولثقافة ...
Ghader Mustafa: شباب وصبايا 1998 متل مسلسل باب الحارة اما شباب صبايا 2015 متل مسلسل friends
Asma Aldeqes: اليوم صرنا احسن من أول وأنا بشوف انو الأجيال القادمه أفضل و أقوى وقادره على التغيير نحو الأفضل اما عن الدين فاليوم في وعي ديني عند الناس اكثر من قبل سدقوني بس الي بنشوفو من تزايد للجرائم و الاختلافات والانشقاقات هي شئ طبيعي بحكم تزايد اعداد الناس و تأثر البعض اما بالحضارات و المعتقادات الأخرى سلبيا او بسبب الاعلام وهاد طبيعي فهم قله و سيبقون كذلك
Rana Magableh: كان فيه شباب وبنات ..هلا كله بنات ..الاغلب الامن رحم ربي ....للاسف
Meme Mnm: جيل ال1998كنت تقدر تربيهم لحالك اما جيل2015بربيهم انت والنت والمدرسه والشارع والتلفزيون والخافي اعظم
Nizar Qwasmeh: الفرق هو نفس الفرق ما بين الثلج والماء ... ولكل زمان دولةً ورجال . الماء ممكن يرجع ثلج وممكن يضل ماء...والاجيال بتتغير لكن بترجع للاصل
Wish Al-Ali: كانوا البنات يا دوب يكملو دراستهم واغلب شغلهم بالبيت والخياطه والشباب يروحوا يشتغلوا بصنعه الوالد ويا دار ما دخلك شر هلا كل البنت والشب لا بشتغلوا وعاله عالعيله و كل واحد ماسك جهاز الله اعلم شو حقه ومو عاجب ( الا من رحم ربي)
Maha Faraj: ما حدا عنده معرفة كاملة حتى يحكم على الناس بتعميم .. فقط الله يعرف ما في قلوب البشر .. ما الكم حق تحكموا .. حكموا انفسكم .. و اتركوا الناس بحالها
