طالب الكاتب والإعلامي السعودي المعروف عبد الله باجبير بضرورة تأخير موعد صلاة العشاء، من خلال مقالته التي نشرت بعنون( أجلوها.. وتوكلوا على الله !). حيث أشار إلى أن موعد صلاة العشاء يأتي في عز مرحلة التسوق والتجارة، مشيراً إلى أن العشاء تاتي بعد صلاة المغرب بفترة قصيرة، حيث يتعطل العمل فترة الصلاة وقد اٌُثار هذا الطلب ردود فعل كبيرة ومتضاربة في موقع التويتر:
- لا تأجلونها لكن وقت الصلاة اتركوا المحلات مفتوحة اللي يبي يصلي يصلي واللي مايبي بينه وبين ربه واللي يبي يأجل بكيفه
- لا لا استخفيتوا أجل تأجيل موعد الصلاه، ليش زياره هي والا سفره، ناس مدري من وين تجيب افكارها ؟!!
- لو تفكرون في كلامه صح، ما قال نلغي صلاة العشاء، قال نأجلها، و وقت صلاة العشاء لمنتصف الليل!!
- علمونا بس متى تفضون وتخلصون شغلكم عشان نقيم الصلاة .. المحشش وهو المحشش يطفي زقارته ويقوم يصلي بوقتها :)
- اذا تعطله عن العمل مشكلته مو لازم يصلي بس لا يفرض على المسلمين مواقيت صلاه من عنده ولا احد يجيني يتفلسف
- اليوم يطالبوا المنافقون بتأجيلها وَ غداً سَيقولوا لا داعي لصلاةِ الجماعة فالدين يُسر وليسَ عُسر !
- الأولى ان المحلات ما تسكر وقت الصلوات كلها من الأساس لأن ما في شي يحرم البيع وقت الصلاة بالدين إلا وقت صلاة الجمعة.
- ليش زعلتوا ! طيب جيبوا حديث ينافي الكلام اللي قاله وبدون انتقاص منه كشخص،اقتراحه جميل ومقنع دامه مايتعارض مع الدين
- الله والأعمال المهمة آخر الليل! عموماً صلاة العشاء يجوز تأجيلها لقبل نصف الليل،لكن مو معناته تجبر الكل على تأجيلها!
- لو انك مقترح الناس تروح تصلي بدلا عن التحرش بنساء في الاسواق او معاقبة المتحرشين...يا زينك ساكت!!!!!!!!
- لو كان سبب مطالبة تاخير العشاء اقتداء بالرسول كان ممكن لكن مطالبتة بالتأخير عشان ماتعطل اشغاله هُزلت !!!
- طيب ورا مايخلي حريمه يروحون السوق بعد صلاة العشاء وبكذا لا تحرش ويكونون مصلين ومرتاحين . يعني سببك جداً تافه
- التأجيل مرفوض .. عدم الالزام باغلاق المحلات والمحطات وقتها هو الحل اما انك تأجل الصلاة .. احا يعني
- تقديم امور الدنيا على امور الدين ( اكبر خطأ ) اللهم انّا نعوذ بك من الفتن ماظهر منها ومابطن .
- تأجيل بنفس وقتها وش المشكلة ؟ بغض النظر طبعا عن سبب التحرش واغلاق المحلات بسبب التشدد وقت الصلاة
- الكثير يريد ان يشتهر ولا يعلم من أين يبدا أو يتحدث به "باجبير" من ضمن هؤلاء..!!
- قرون وحنا نصلي العشا بوقته ولا تضررنا ولا متنا ولا صار لنا شي ,, الحين اللي صار وقت الصلاة مشكلة !!!
- يعني اعماله بالدنيا اهم من اعماله للآخره ؟ والتحرش مايصير الا بين المغرب والعشاء ؟ ياحيف بس
- في تحرش بالموضوع .. يعني احنا بنتحرش وقت العشا لكن المغرب علينا حصانة ؟؟!
- أصلاً حالياً وقت العشا مؤخر وش رايك يرجع لوقته الأصلي ويقفل السوق من المغرب لين العشا عشان مايصير تحرش هه
- الكاتب وين عايش وأي تحرش؟ هذي مولات يعني مطاعم ومقاهي ومصلى مو البطحا20 دق للصلاة ما اعتقد ان أمورنا توقفت عليها !!!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
