وحدة راجعة على بيتها المساء ، حاولت تطلع بباص مؤسسة النقل العام من الباب الأمامي، ما قدرت مع الأزمة طلعت من الباب الخلفي من كثر الزحمة ، دحشت حالها بين الناس وحاولت علشان موضوع الإحراج من الكونترول إنها تشتري بطاقة من الجهاز الموجود جنب الشوفير .
ظلت تحاول تزيح الركاب اللي واقفين بالنص لتوصل جهة مقدمة الباص . شافت بنت واقفة جنب الجهاز . وهي قاعدة بتفكر كيف بدها تقوللها لو سمحتي ساعديني بشراء البطاقة . شو تقوللها ، يا بنت ، لو سمحتي حضرتك ، يا آنسة .. فجأة شافت قنينة " نبيذ " معها ملفوفة بجريدة وزرف بلاستيك ، قالت بينها وبن حالها معناها رايحة عند شب ، بس هالنبيذ مش من النوع الرخيص .. معناها الشب حليوة ... أف .. أف .. أف .. مرقنا على قبل أخر محطة للباص ، معناهنا نازلة معي والشب اللي رايحة عنده عنا بالحارة .. بس بالحارة ما فيه غير شبين حلوين .. جوزي وصاحبي .. لعند صاحبي مش معقولة تكون رايحة لأنه مستنيني أمر عنده قبل ما أروح على البيت .. معناها لعند جوزي .. وجوزي عنده صاحبتين : سعاد وتهاني .. سعاد مسافرة إجازة من 3 أيام وبترجع بعد يومين .. معناها هاي تهاني ...
- تهاني . كيفِك ، ممكن هي الفلوس وتشتريلي تذكرة .
- طبعا .. طبعا .. من عيوني حبيبتي !!
