تسرد ستيته خسائر النظام السابق في مصر ومنها:
"حبسنا خمس قرود في قفص وبنمثل بهم وبعنجهيتهم وبصلفهم وبنكسر غرور اللي جابوهم ... وفرحانين خالص
الشعب أساسا يعشق القرود من يوم ما كان بابا بياخده لجنينة الحيوانات كوسيلة ترفيه وحيدة لأبناء الطبقات المصرية الشعبية كلها
ولا يخفى عليكم أن الطبقات المصرية الشعبية دي فرحت بالقرود وإعتبرتها نصر من عند الله وفتح مبين
ونسيت خالص صفوت "آداب" وزكريا "فساد وصل للركب" وسرور "مكيف قوانين المجحوم" وحسني "صاحب لوحات الفشق الأخير وهدايا الآثار" وغيرهم وغيرهم وبقية الجبلاية
شعبنا حلو وطيب حقيقي .. يرضى من القرود بقليله".
وتتابع ساخرة في تعليق عن أمن الدولة:
"أكبر خسائر النظام السابق .. وده بلا جدال .. إنه مش ها يسمع مكالمتنا ولا ها يشوفنا وإحنا في أوضاع مخلة للآداب مع أزواجنا أستغفر الله العظيم
وده ليه؟ ... لأنهم "بيقولوا" حلوا جهاز مباحث أمن الدولة السيء السمعة والفعل
خلاص مش ها يتجسس على المواطنين ومش ها يعذب المصريين
مفيش نفخ .. مفيش تعليق .. مفيش قلة قيمة ... يادي الزنجا اللي انت فيها يا حسني من بعد طول البراح؟".
ولا تملك سوزان إلا أن تعبر عن فرحها الغامر بتعطل جهاز البلاك بيري الخاص بزوجها:
"حمدلله رب العالمين البلاك البري تبع زوجي عيد يا جماعه بدي اعمل حفله (...) انا مش عارفه شو بدي احكي غير اني مبسوطه يعني هو حاطط المنبه ولانه مش عارف يطفيه كل حمس دقايق برن ولازم يذكره انه خربان وزوجي وصلت حرارته الميه :))))
هاد من كثر دعاويه والله :)قاعد بزغرد البلاك بري !".
