طرح أحد المغردين سؤال على موقع التواصل الاجتماعي تويتر بعنوان "لو الكويتية ما تسوق" وقد استطاع أن يشعل هذا السؤال موقع تويتر بالتعليقات التي جاءت منوعة ما بين الساخرة والمؤيدة لسواقة المرأة الكويتية.
ولم يتوقف الأمر عند هذا الحد فقد أشعل هذا الهاشتاغ الجدل بين الكويتات والسعوديات وذلك بعد اتهام البعض بان يكون وراء هذا الهاشتاغ سعودية خصوصاً أنهم ممنوعات من قيادة السيارة في بلادهن:
@fofeta_jr كان نصبناها ملكه وعطيناها تاج من عندنا بالسعودية بس خلاص راحت عليها.
@asooOLE_ واحد يقول ان سياقة الحريم ثتير فتنة للشباب !! وين الفتنه ؟! واختك تركب السيارة مع السايق ! بينهم ربع متر
@S_ala22 للمره الثانيه هاشتاق كويتي يتكلم عن قيادة الكويتيات واكثر كلمه مكتوبه اهي "السعوديه" مو معناته بأي شي نقوله يعني نقصدكم
@marioma37 عن نفسي راح ارتاح طول عمري ماحب السواقه بس حرام في ناس ممنوع يسوقون
@aaloohsh بعض الناس يفكرون السعودية محرمه السواقه على النساء والجهال لا يعلمون انه من باب الحرص على شرفنا وبناتنا
@Omani332Usama الهاشتاق عبارة عن سعوديات فيهن غيرة وحسد على الكويتيات لأنهن ما يسوقن ونص فلوسهم على السواقين
@Mlook__r وش معطل التنمية بالكويت غير لانهم يشوفون قيادة السيارة ومشاهدة السينما انجاز سياسي واجتماعي عظيم .
@abhajes للأسف الواقع المبكي، ان السعوديات ممنوعه من ابسط حقوقها، وهي بالنهاية وسيلة مواصلات، لكن الغلو واختطاف البلد من متشددين
@happy3guy سافرت إلى الكويت ولم أرى سوى من قيادة المرأة الا القيادة المحترمة والسرعة المحددة واتباع الانظمة وايد وايد مؤدبين
@alshehri_lamia هاشتاق مسوينه عشان السعوديات يدخلونه ويدعون على حظهم الشين والكويتيات يحمدون ربهم ع بلدهم وحقوقهم عاشت الكويت
@jiomk بصراحه انا سعوديه أتمنى السواقه. وكثير يتمنون دا الشي لاتنكرون. بس بلدنا مو متعوده ع دا الشي. راح يصير في همج وقلق
@G369dx ويع ما عندكم الا الكويت ترا كل دول الخليج بناتهم يسوقون لا تقطون تخلفكم علينا
@FoFo_JaMaL بالنسبة حق الي تقول جان صارت ملكة مثلنا !!! ترى حتى الملكة اليزابيث تسوق سيارة ملكة يعني تقعد مع السايق ؟؟؟
@6661012 توضيح السواقه ماتقلل من كرامة واخلاق الكويتيه وعدم السواقه ماتنقص من كرامه السعوديه فالنقد للسعوديات مو بمحله ابدا
@Moon53_53 يالكويتات سوقوا ماحد ردكم والسعوديات لا تسوقون ماحد بيجبركم بس فكونا من الفتنة والحقد اشتغلت ذلحين الحسابات الوهمية
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
