مازال موضوع افتتاح قناة السويس هو الحدث الأبرز والذي يشغل بال المصريين في الوقت الحالي، وقد أطلق عدد من المواقع والقنوات الفضائية شعار "مصر حتفرح" مرافقاً لهذا الحدث، إلا أنه يبدو أن هذا الشعار لم يلقى استحسان عدد من رواد موقع التواصل الاجتماعي تويتر فقام أحدهم بإطلاق هاشتاغ بعنوان "مصر حتفرح أكتر لو" للتعبير على أن جمهورية مصر بحاجة للعديد من الأمور الأخرى حسب وجهة نظره، ولم يخلو الهاشتاغ من التعليقات المرحة والساخرة:
@Nadosha_Hanem بقي للناس قيمة و تمن و نعيش حياة كريمة مش نقعد نقول مافيش و في احتفال نصرف اد كدة
@i_AhmeDz ركبنا تكييفات في الشوارع ، و عملنا واي فاي سريع و مفتوح للناس
@hodafarag41 كل المعتقلين خرجوا و كل الشهداء كرموا و كل مصاب عولج و كل انقلابى حوكم بالعدل
@EslamKhalil80 بقت فرحتها حقيقية بص لطابور المعاشات اللي واقف هناك في عز الشمس دة بص للي مات غير تمن دة شوفتة شوفتة روح احتفل بقي
@omar_magdy16 كل واحد بطل مزايدة ع اللي حواليه و شاف دوره و نفذه
@Yasmine10010 لو عائد قناة السويس الجديده دي بقي لاهلها مش زي القديمه! وقتها هتفرح اووي والله
@SgSawsan مصر هتفرح اكتر لو فى عداله ف توزيع المرتبات والاجور ومراعاة المواطن الغلبان ف اسعار السلع والمنتجات الغذائيه
@waeeeeel11 تبطلوا افراح وكﻻم على الفاضى عمرى ما شوفت طالب بيحتفل إنه ذاكر الاحتفال بيكون بعد النجاح يا فشله
@Chemtawfik مصر هتفرح اكتر لو خلصنا من الناس اللي عمله اكونتات وهمية لانهم اجبن من انهم يظهروا بشخصياتهم الحقيقية.
@MadleenRezk مصر هتفرح اكتر لو كل واحد عادي أو مسئول عمل اللي عليه واتقي ربنا في البلد
@marya_gege لو حاكمنا القتلة واقمنا القصاص و اعدنا الحقوق لاصحابها والمصري كرامتة تكون مصانة
@ayash96 مصر ما بتفرحش .... مصر حتى مش عارفه تعمل نفسها فرحانه
@mostafamohana لو الرئيس بطل يطلع قرارات جمهوريه وكفايه 363 قرار اللي طلعهم منذ بداية توليه
@AMRLZAINY الغلابه كان ليهم تامين صحي محترم حل مشكله الاسكان للشباب بطلنا نقول الفاظ وسخه في الشارع الاعلام بطل تعريص
@captain_ahm الاغبياء فهموا فرح العمدة (الافتتاح) فهمت انه فرقعه اعلاميه بس و المواطن المطحون هيفضل مطحون ولا جديد تحت حكم الحرامية
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
