روان صاحبة مدونة بنفسجية؛ تتساءل عن السبب وراء العنف الذي اندلع يوم أمس ١٩ نوفمبر في ميدان التحرير في مصر:
"19 نوفمبر،،، مش فاهمة ليه اللي بيحصل ده! طب فض اعتصام بالقوة ليه؟؟ دم الشهدا لسه مبردش!!
طيب ع الأقل وقعلك كام مصاب وشهيد وسيبنا وإسكت!! إنما إصرار وعناد!! تاني!! هو مين اللي بيحكم؟؟؟؟
طب فين الحكومة وفين الوعود، ليه التباطؤ وليه المحاكمات العسكرية؟؟".
وتتابع:
"مش عايزينكم تسيبوا البلد وتمشوا "إنتم قدرنا و ف النهاية مننا" عايزين ملامح للفترة الإنتقالية، مش عايزين العسكر يحكم! مش عايزين الدم يسيل! مش عايزين إعلامنا مشوَّه، عايزين قوة، عايزين تغيير، عايزين تسليم السلطة، عايزين تقدير لكل نقطة دم نزلت علي أرض مصر! لكل شهيد إتدفن زي بذرة في التراب!!… عايزين مصر".
وتقول جيجي على مدونتها جيجي والعالم:
"ايه الاجرام اللى بيحصل فى التحرير ده
والاهم وهيموتنى وهيجننى ازاى فى ناس بتقولك فوتوا الفرصه عليهم دول بيعملوا كده علشان يياجلوا الانتخابات
انتخابات!!!؟
ايه الناس دى ايه … ناس بتموت
اللى بينتقدهم بيقول انهم متخلفين اغبيا فكروا غلط دماغهم متركبه شمال عايزين يفضلوا طول النهار فى الشارع انا بقول اللى بينتقدهم بيقول ايه
لما اعترض عليهم اقتلهم واموتهم ليه".
وتضيف عن دور الداخلية المفقود في البلد:
"زباله الداخليه دول مش هيرحمونا بقه
مش هيمشوا ويريحونا منهم … مش عايزينهم مش عايزينهم مش عايزينهم
على راي واحد متصله على الجزيره مباشر ربنا يكرمها يارب
قالت لما الداخليه ماشاء الله موجودين كده امال سايبين البلطجيه والحراميه وقطاع الطرق ليه
فالحين بس يضربوا فى الشعب اللى نازل يطالب بحقه حتى اذا كان شعب غبي مش عارف مصلحته ولا مضحوك عليه ولا ليه مصلحه سياسيه".
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا.
عايزين مصر.
