أعلنت اللجنة القضائية العليا للإشراف على الانتخابات الرئاسية في مصر يوم أمس الاثنين، النتائج النهائية للجولة الأولى من الانتخابات، والتي أسفرت عن خوض مرشح جماعة "الإخوان المسلمين"، الدكتور محمد مرسي، جولة إعادة منتصف يونيو/ حزيران المقبل، أمام الفريق أحمد شفيق المحسوب على النظام القديم "الفلول"، وتصدر الفريق احمد شفيق للنتائج الجولة الاولى من انتخابات الرئاسة أثار الاستغراب والغضب بين النشطاء، فرفضوا الاعتراف والرضوخ لهذه النتيجة فيما دعا البعض للعودة بالميدان وسط سؤال يطرح نفسه" اذا كان الكل رافض الفريق أحمد شفيق فمن الذي انتخبه؟":
@Nehal_Amin الاسرائيليون مبتهجون بوصول شفيق للاعادة والهتاف سامع أم شاليط بتنادي مين يصدر غاز لاولادي مين يحاصر غزة يحمي كل يهودي من الأعادي
@hazem4444 هو ينفع انتخب شفيق وبعدين اصلي ركعتين استغفار
@MoOo_THE_ONE كل ما أسأل حد يقولى مش هنتخب مرسى أقوله يعنى شفيق هو الحل مثلا يقولى برده لأ . . يقولى أنت المفروض بقا تشوفلنا حل لكن على جثثنا مرسى وشفيق !
@esmat423 افتح تويتر الاقي الناس ضد شفيق افتح الفيس بوك الاقيهم ضد شفيق في الشغل ضده في الشارع ضده مال مين اللي انتخب ميتين اهله مش عارف
@Joe_Mohib نفسى افهم ازاى الناس بتفرق مابين شفيق ومرسى ياجدعان هما زى بعض بالظبط شفيق قتل الثوار ومرسى صهين وطنش ياعنى زى بعض
@shaymaamansour أسئلة غبية.. -هو إحنا إزاى من الأساس نعمل إنتخابات فيها شفيق وفى قضية بعزله بتنظرها المحكمة الدستورية؟
@ysmd2 الخبر (المئات يتوافدون على ميدان التحرير للتظاهر ضد وصول شفيق للإعادة ) السؤال : لماذا التظاهر ضد شفيق ونتيجته نتاج صناديق الاقتراع ؟؟؟
@Ahmed_Soooo لما يبقى شفيق - العسكري - هو أمل الدولة المدنيه .. ومرسي - اللي ولاده أمريكان - هو أمل الخلافه الاسلاميه , يبقى انا أمل مصر في كاس العالم !!
@sarasamer19 مميزات شفيق!! راجل عنده اصل لكل اللي سبقوه بالفساد لازال يحترمهم ويحرص على زيارتهم بالسجون والمستشفيات وخصوصا مثله الاعلى مبارك
@DaliaSalim كل ما اقابل حد اساله انتخبت مين يقوللي حمدين يا ابو الفتوح .. في اكتر من مكان واكتر من مستوى اجتماعي .. مين ولاد التيت اللي انتخبو شفيق
@ahmed_arfa شفيق خد اصوات حقيقية مش مزورة وعوا الناس وفهموهم او حتى خوفوهم من الفوضى اللي هاتيجي مع شفيق .. واعرفوا انهم بدأوا يفكروا في شفيق عندا فينا
@ahmedibrahim38 مفيش استقرار ولا امن من غير عدالة وحرية وكرامة .. شفيق مبارك هو مشروع الفوضى والدمار والإنهيار والتقسيم لمصر .. انقذوا مصر واسقطوا شفيق
@tottyfrotty79 انا غيرت راى وقر رت انتخب احمد شفيق لانة فى اى وقت نعرف نغيرة فى التحرير لكن الاخوان زى الغرة بيلزقوا لو مسكوها مش هنعرف نطلعهم منها
@Karim_Farid اوعي تفتكر ان مرسي احسن من شفيق وهايكمل الثورة وانك لو انتخبته تبقي اسقطت الفلول...الاتنين واحد...ده بدقن والتاني بدبورة...وبس
@omarabobakrali احسن حاجة فى مصر ان كله ماشى... رشح اللى انت عايزه . يزورو هما براحتهم . اللجنة تقول الانتخابات مفهاش غلطة . وفى الاخر يقولولنا شفيق يا راجل
@ibrahimmakke1 يعني ال5 مليون اللي انتخبوا شفيق مضللين واغبياء ومش فاهمين ووام ال 5 مليون بتوع مرسي دول اللي متعلمين بره وفاهمين ديمقراطية ،،، اصحي يا مصر
@YoumnaRabie1 وهكذا، أصبح الشفيق هو المرشح الوحيد اللى قتل واتقتل، استبعد ورجع، سقط وعاد .وأخيرا: حرق واتحرق . شعار أحمد شفيق: ، لكل حاجه والعكس
@tears_ofthesun اقول للعالم ايه شفيق فشل كرئيس وزراء ايام مبارك والناس رفضته وربنا وفقه بعد الثورة وبقي رئيس للجمهورية
@Jojwaalbalhan واحد تونسي بيسأل تعليقاً على حصول شفيق على المركز الثاني طب إنتوا عملتوا ثورة ليه من الأول ؟ أقول له إيه ؟ يالهوي على الفضايج و الجهل
@HusseinElGammal مرسي و شفيق اعداء للثوره ... مرسي لو كسب يبقي الثوره انتهت رسميا بس شفيق لو كسب يبقي الثوره مستمره ضد العسكر و ألاخوان خرجو من ألصوره!
لمتابعة أحدث جولاتنا في المدونات العربية عبر صفحتنا على موقع فايسبوك، اضغط هنا وابق على اطلاعٍ بأحدث المستجدات، كما يمكنك متابعتنا على تويتر بالضغط هنا
