موضة جديدة بدأت على موقعي فيس بوك وتويتر للمطالبة بإطاحة رئيس الوزراء المصري أحمد شفيق الذي عينه مبارك في أول أيام الثورة المصرية، فبعد الراجل الواقف وراء عمر سليمان والست اللي ورا القذافي، بدأ عادل صليب من مصر حملة بعنوان: "بلوفر شفيق"!!.
يقول عادل مبررا اختياره لموضوع البلوفر :
"وهو حد فيكم عارف ليه شفيق فجأة غير لبسه من بدل(بصوا ايام الوزارة ومجلش الشعب) وفجأة بقي كاجوال ....
ببساطة دي بيسموها البادي لانجويش ودي معمولة قصد عشان الناس اللي بتشوفه في التلفزيون تتعاطف معاه ...اللي مش مصدقني ياريت يبطل يفتي وانا هايف ... بس فاهم
تغير النظام عمره مايهكون بتغير اللبس ...
اهم نقطة انت متعرفش مين انا ولا بعمل ايه في حياتي ولا رؤيتي السياسية ...خليك في اللي يخصك".
ونقتبس من مدونة أخرى بعض التعليقات التي توالت على بلوفر أحمد شفيق:
" اعلن شفيق انه قاعد على قلبكم و أكد تمسكه بالكرسى و البلوفر ..طب و هتعمل ايه فى الصيف يا شفشق ؟ هالبس البلوفر ع اللحم
شفيق يهدد بإستقالته .. إذا لم يتراجع الثوار عن شد كم البلوفر
في تاريخ العرب هناك سببان للفتنة: قميص عثمان وبلوفر شفيق".
وأيضا:
" شفيق مش بتاع إعلانات .. شفيق بتاع بلوفرات
بلوفر شفيق الي بتتريقوا عليه ده غالي جدا لانه صوف من خروف يتيم
وبكره نكتشف ان لبس شفيق للبلوفر ماهو الا شغل مخابرات بالتآمر مع عمر سليمان وصفوت لشريف
مش مستريح لموضوع البلوفر دا ..ممكن كدا شفيق يفهم ان احنا مش عاوزينه عشان خاطر البلوفر ويطلع يقول انا فهمتكم هقلع البلوفر والبس جاكيت صوف
بلوفر شفيق .. يتمدد بالحراره .. ينكمش بالبروده .. و يلتصق بالوزاره
وائل غنيم يبدي استعداده بالتخلي عن الخظاظة اذا تخلي شفيق عن البلوفر".
ما الفرق بين الزحمه والعجأه؟
يرى نمول أن الفرق يكمن في البلد وطبيعة البلد وليست مجرد مصطلحات!!
"عندما نقول ان الشارع زحمة
فهذا يعني اننا نسير في احدى طرقات وشوارع دولة خليجية تتعدى درجة الحرارة فيها الــ50 درجة مئوية وفيها اشعة الشمس لا تحرقك فحسب بل تخترق جمجمتك وتصل لعقلك وتحرق (فيوزاته) وبعد السير في هذا الشارع لمدة 5 دقائق تجد ان حالتك النفسية قد تغيرت فتضطرب هرموناتك ويرتفع ضغط الدم وتجد ان الانفعالات الشديدة تتملكك وتنشأ لديك رغبة في العدوان والعنف لا تعرف مصدرها".
وأما تفسير كلمة عجأه فمختلف تماما:
"اما كلمة عجأة فهي مختلفة كلياً عن كلمة زحمة فبالنسبة لحالة الطقس كلمة عجاة تعني ان الجو جميل والهواء عليل وبالنسبة للموقع الجغرافي فعلى الاحرى انك في احدى شوارع بلاد الشام محاط بالمناظر الخلابة وبالنسبة للحالة النفسية فهي مرتبطة غالباً بالراحة والسكينة والسعادة وقد يكون هناك شيء من التوتر والقلق بسبب خوفك من الوصول متاخراً الى عملك".
